21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Ադրբեջանում առաջարկում են ստեղծել հաղորդակցության կենտրոն՝ «հայերի ու արևմտյան ԶԼՄ-ի ապատեղեկությունների դեմ պայքարելու համար»
Քաղաքականություն
14.02.2022 | 19:20
Ադրբեջանն ընդլայնում է տեղեկատվական դաշտում հակահայկական քարոզչությունը։ Մասնավորապես, տեղական լրատվամիջոցների հաղորդմամբ, Ադրբեջանում առաջարկում են ստեղծել Ապատեղեկատվության դեմ պայքարի հաղորդակցության կենտրոն, որտեղ աշխատելու են փորձագետներ, հետաքննող լրագրողներ ու մեդիա վերլուծաբաններ։ Այս մասին հայտարարել է Սոցիալական հետազոտությունների կենտրոնի խորհրդի նախագահ, պատգամավոր Զահիդ Օրուջը։
Պատգամավորը նշել է, որ, իբր, «պատերազմում պարտված հայերը, ինչպես նաև արևմտյան ԶԼՄ-ների մի շարք «կոռումպացված» ներկայացուցիչներ ակտիվացրել են Ադրբեջանի դեմ համակարգային ապատեղեկատվությունը»։
«Տեղեկատվական տարածքը հանդիսանում է մեր աշխահագրական տարածքի անբաժան մասը։ Տեղեկատվական անկախությունը մեր ինքնիշխանության, ինչպես նաև տնտեսական և քաղաքական ազատության անբաժանելի մասն է։ Պատահական չէ, որ Եվրամիությունն ընդունել և խստորեն կիրառում է տասնյակ օրենքներ և ծրագրեր՝ պաշտպանելու իր մոտ 500 միլիոն քաղաքացիներին»,- ասել է Օրուջը։
Հավելենք, որ Ադրբեջանում լրատվամիջոցների գերակշիռ մեծամասնությունն անմիջականորեն ղեկավարվում են նախագահի աշխատակազմից։ Երկրում առկա են մի քանի քիչ թե շատ անկախ լրատվամիջոցներ, որոնց լրագրողները հիմնականում աշխատում և բնակվում են արտերկրում։
Էմմա Չոբանյան
