18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ձերբակալվել է Ադրբեջանի ՊՆ 4 բարձրաստիճան սպա
Քաղաքականություն
13.02.2022 | 19:19
Ադրբեջանի պաշտպանության նախարարության չորս բարձրաստիճան աշխատակիցներ ձերբակալվել են ավելի քան 10 մլն մանաթ յուրացնելու գործով, նրանց մեղադրանք է առաջադրվել երկրի Քրեական օրենսգրքի 179.4-րդ հոդվածով (առանձնապես խոշոր չափերի յուրացում), գրում են ադրբեջանական լրատվամիջոցները:
Ըստ պարբերականի, Բաքվի ռազմական դատարանի որոշմամբ որպես խափանման միջոց է ընտրվել չորս ամիս ժամկետով կալանավորումը ֆինանսական վարչության պետ Ռաֆայել Խալիլովի, N զորամասի ֆինանսական բաժնի պետ Ֆազայիլ Ալիևի, ցամաքային զորքերի ֆինանսական վարչության պետ Բայրամ Բայրամովի և ֆինանսական վարչության սպա Վյուսալ Ալիզադեի նկատմամբ։
Նշվում է, որ զինծառայողները ձերբակալվել են Ադրբեջանի պետական անվտանգության ծառայության կողմից իրականացված գործողության ընթացքում, իսկ հասցված վնասի ընդհանուր գումարը գերազանցում է 10 մլն մանաթը:
