21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Վերադասավորումներ Ադրբեջանի վերնախավում․ Ալիևը հեռացրել է SOCAR ընկերությունը 17 տարի ղեկավարած նախագահին
Քաղաքականություն
10.02.2022 | 22:11
Ադրբեջանի նախագահ Իլհամ Ալիևը պաշտոնից հեռացրել է պետական նավթային SOCAR ընկերության նախագահ Ռովնագ Աբդուլլաևին։ Ադրբեջանական լրատվամիջոցները գրում են, որ Աբդուլլաևի պաշտոնանկության հրամանը հրապարակված է Ադրբեջանի նախագահի կայքում։
Ալիևի մեկ այլ հրամանով՝ Աբդուլլաևը նշանակվել է էկոնոմիկայի փոխնախարար։ Այսպիսով ՝ Ալիևը SOCAR-ի արդեն նախկին նախագահին նշանակել է փաստացի ավելի ցածր ազդեցության պաշտոնի։
Բացի այդ՝ Ադրբեջանի նախագահը նաև հրամանագիր է ստորագրել SOCAR-ի կառուցվածքում փոփոխություններ կատարելու մասին։ Ըստ այդ փոփոխությունների՝ Պետական նավթային ընկերության խորհուրդը բաղկացած կլինի 15 հոգուց (ներկայում 14)։ Միաժամանակ SOCAR-ի առաջին փոխնախագահների թիվը 1-ից կավելանա 2-ի։ Ալիևի համապատասխան հրամանագրով՝ SOCAR-ի առաջին փոխնախագահ է նշանակվել Ռովշան Նաջաֆին։ Այդ կապակցությամբ Նաջաֆն ազատվել է էկոնոմիկայի առաջին փոխնախարարի պաշտոնից։
Նշենք, որ Ռովնագ Աբդուլլաևը SOCAR-ի նախագահի պաշտոնը զբացեղնում էր 2005թ-ից։ Նա Ադրբեջանի ամենահարուստ ու ազդեցիկ գործիչներից էր, ի դեպ՝ ծնունդով էլ Նախիջևանից։ Ալիևի կողմից Աբդուլլաևի հեռացումը խոսում է Ադրբեջանի վերանախավում որոշակի վերադասավորումների մասին։ Չի բացառվում, որ Ադրբեջանում սպասվում են քաղաքական լուրջ փոփոխություններ։
Էմմա Չոբանյան
