29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Բաքվում Իրանի դեսպանը հայտարարել է, որ իրանական ընկերությունները մասնակցելու են Արցախի գրավյալ տարածքների վերականգնման աշխատանքներին
Քաղաքականություն
10.02.2022 | 21:30
Իրանական ընկերությունները հետաքրքված են Արցախի գրավյալ տարածքներում վերականգնողական աշխատանքներին մասնակցությամբ։ Ադրբեջանական լրատվամիջոցների հաղորդմամբ՝ այս մասին հայտարարել է Բաքվում Իրանի դեսպան Սեյիդ Աբբաս Մուսավին այսօր կայացած մամուլի ասուլիսում։
Նա նշել է, որ երկու երկրների սերտ տնտեսական համագործակցության կարևոր հարցերից են Արցախի տարածքների «ազատագրումը»։
«Իրանը ուրախ է այդ տարածքների «օկուպացիայից ազատագրման» առիթով։ Իրանի և Ադրբեջանի միջև 132 կմ տարածք է «ազատագրվել»։ Այդ տարածքները կարևոր ուղղություն են համատեղ տնտեսական համագործակցության համար։ Իրանական փորձառու ընկերությունները հետաքրքրված են հնարավորինս շուտ մասնակցել Ադրբեջանի «ազատագրված տարածքների» վերականգնման աշխատանքներին։ Այդ առնչությամբ սպասվում է համաձայնագրերի կնքում»,-ասել է դեսպանը։
Բացի այդ՝ Մուսավին նաև նշել է, որ Իրանը աջակցում է Հարավային Կովկասում բոլոր հաղորդակցությունների վերականգնմանը։
Էմմա Չոբանյան
