19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Իրանում Ադրբեջանի դեսպանը դժգոհել է, որ Թեհրանի փողոցներից մեկն անվանակոչվել է Շուշի և ոչ թե «Շուշա»
Քաղաքականություն
10.02.2022 | 17:24
Իրանում Ադրբեջանի դեսպան Ալի Ալիզադեն իր դժգոհությունն է հայտնել Թեհրանի փողոցներից մեկը Շուշի անվանակոչելու կապակցությամբ, գրում են ադրբեջանական լրատվամիջոցները։ Ադրբեջանի դեսպանին դուր չի եկել, որ փողոցն անվանակոչվել է հայկական քաղաքի Շուշի անունով, նա առաջարկել է օգտագործել խեղաթյուրված «Շուշա» անվանումը։ Նա նշել է, որ Ադրբեջանի հետ կապված որոշ հարցերում կարևոր է, որ Իրանը նրբանկատություն ցուցաբերի։
«Հաշվի առնելով երկու երկրների միջև սերտ կապերը՝ կարևոր է նուրբ հարցերում բոլոր գործոնների դիտարկումը։ Օրինակ՝ «Շուշա» քաղաքի անվան խեղաթյուրումն, իհարկե, չի ողջունվելու երկու երկրների ժողովուրդների կողմից ,և նման սխալներ թույլ տալը կարող է բացասական համբավ ստեղծել»,-ասել է Ալիզադեն Իրանի պետական IRIB հեռուստառադիոընկերության հետ հարցազրույցում։
Դեսպանը նաև նշել է, որ Բաքուն և Թեհրանը վճռական են ամրապնդելու երկկողմ հարաբերությունները։
Հիշեցնենք, որ անցյալ տարի նոյեմբերին Թեհրանի քաղաքային խորհուրդը որոշել էր քաղաքի մի շարք փողոցներ անվանակոչել Հարավային Կովկասի քաղաքների անունով՝ այդ թվում ՝ Շուշի, Բադքուբ (Բաքու)։
Էմմա Չոբանյան
