29.03.2026 | 22:16
Հրդեհ ավտոմեքենայում․ տուժածներ չկան
Ղազախստանում տեղի ունեցած անկարգությունների բոլոր մեղավորները հետաքննության արդյունքներով կպատժվեն
Քաղաքականություն
10.02.2022 | 22:35
Ղազախստանի նախագահ Կասիմ-Ժոմարտ Տոկաևը խոստովանել է, որ անհանգստացած է երկրում հունվարյան անկարգությունների ժամանակ մեծ թվով զոհերով և վստահեցրել, որ բոլոր մեղավորները պատասխանատվության կենթարկվեն, գրում է ՏԱՍՍ-ը։
«Սա առաջին այցն է Ամանորից հետո և, ցավոք, մեր երկրում տեղի ունեցած ողբերգական իրադարձություններից հետո, իսկապես, եղել է միջազգային ահաբեկիչների, ավազակների մանրակրկիտ նախապատրաստված գործողություն, որոնք հարձակվել են Ղազախստանի վրա՝ տապալելու սահմանադրական կարգը և հեղաշրջում անելու համար»,- հայտարարել է Տոկաևը ՌԴ նախագահ Վլադիմիր Պուտինի հետ Կրեմլում բանակցությունների ժամանակ։
Տոկաևը ուշադրություն է հրավիրել այն փաստի վրա, որ «հետաքննությունը շարունակվում է, առաջին արդյունքներն են ի հայտ գալիս»։
«Ցավոք սրտի, շատ զոհեր եղան, ես ինքս անհանգստացած եմ դրա պատճառով, ցավակցություն եմ հայտնել զոհվածների ընտանիքներին և ընկերներին»,- նշել է Ղազախստանի նախագահը։ «Յուրաքանչյուր դեպքով հետաքննություն է տարվում, իհարկե, մեղավորները կպատժվեն, կբացահայտվեն և, որ ամենակարեւորն է, պատասխանատվության կենթարկվեն»,- ընդգծել է Տոկաևը։
Տաթև Ֆռանգյան
