28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
17 զինվոր զոհվել է. ԱԹՍ-ի ձայնը լսելուց հետո՝ հրամանատարը թույլ չի տվել «Ուրալ»-ից իջնել. իրավապաշտպան. ՏԵՍԱՆՅՈՒԹ
Հասարակություն
10.02.2022 | 15:55
«Լրագրողներ հանուն մարդու իրավունքների» ՀԿ-ի նախագահ Ժաննա Ալեքսանյանի գնահատմամբ, 44-օրյա պատերազմի պատկերն այժմ ավելի տեսանելի է և արտացոլում է այն իրավիճակը, որ ողջ պատասխանատվությունը դրվում է 18 տարեկան զինվորի վրա:
«Վատ վերաբերմունք կա զինվորի նկատմամբ, շատ վատ վերաբերմունք: Ով ինչպես կարողացել է, զինվորի հետ վատ է վարվել: Այսօր «Կարգապահությունը ԶՈՒ-ում՝ պատերազմից հետո. ինչո՞ւ են ավելացել զինվորական հանցագործությունները» թեմայով քննարկման ժամանակ նշեց Ալեքսանյանը:
«Երբ մահվան լուրերը ստանում էինք պատերազմի ժամանակ, մենք չէինք պատկերացնում, որ զինվորները զոհվում են խմբերով և մեծ խմբերով, ավտոբուսներում, «Ուրալ» մեքենաներում, նրանց ուղարկում էին ինչ-որ գործողության, էդ 75-ը՝ Հադրութում, արդեն գրավված տարածք… Սա է իրավիճակը. նրանց կարող էին տանել և թողնել մի տեղում, հետո չգնալ նրանց հետևից: Ունենք դեպք, երբ Շուշիի ճանապարհին 44-ից 4-ն են ողջ մնացել: Շատ տեղեկություններ կան, թե հրամանատարները ինչպես էին լքում: Այսինքն, զինվորի հետ վատ էին վերաբերվում: Շատ ծնողներ այդպես են ասում, որ զինվորին օգտագործել են իբրև ռեսուրս, իբրև «թնդանոթի միս»՝ իրենց բառերով եմ ասում»,- ասաց Ժաննա Ալեքսանյանը:
Նա բերեց օրինակ, թե ինչպես է քննչական մարմինը գործում, երբ կոնկրետ սպան մեղավոր է և պատասխանատու է զինվորների մահվան համար:
«17-ի գործ է կոչվում: Իշխանաձորի մոտ, «Ուրալ» ավտոմեքենայում այրված զինվորների գործն է, սարսափելի, ողբերգական դեպք: Կան երեք հոգի ականատես վկաներ. 18 զինվորից մեկը ողջ է մնացել, ողջ է մնացել նաև զինվորներից մեկի հայրը, ով գնացել էր որդուն այցելության իր մեքենայով, և մի զինվորը մեքենայի պատուհանից դուրս է թռել՝ լսելով ԱԹՍ-ի ձայնը: Մինչ այդ ԱԹՍ-ի ձայնը լսվել էր, և հենց այդ զինվորի հայրն է հրամանատարին ասել, որ պետք է բացազատվել, տեղանքում թաքնվեն: Հրամանատարը պատասխանել է, որ դա ՀՕՊ-ի գործն է ու հրամայել է, որ բոլորը նստեն մեքենան ու այդպես, նրանք բոլորը հինգ րոպե հետո զոհվել են:
Այդ հրամանատարը հիմա ազատության մեջ է, նրան երկու ամսով կալանավորել են, հետո ազատ են արձակել, և դատախազությունն անգամ բողոք չի բերել, որ այդ սպային նորից կալանավորեն»:
Ըստ իրավապաշտպանի՝ ՊՆ-ից անգամ ծնողներին փորձել են համոզել, թե «դե լավ, դեպք է, եղել է»:
Կամ եղել են դեպքեր, երբ հրամանատարին շնորհել են մեդալներ, կոչումն են բարձրացրել:
Իրավապաշտպանի եզրահանգմամբ, այն դեպքում, երբ մենք ունենք բազմաթիվ անմեղ զոհեր, ՊՆ-ի և Քննչական մարմինների մոտեցումն այն է, որ զինվորը պետք է զոհվի:
Մանրամասները՝ տեսանյութում:
