17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Գնել Սանոսյանն ընդունել է ՅՈՒՆԻՍԵՖ-ի ներկայացուցիչ Քրիստինե Վայգանդին
Քաղաքականություն
09.02.2022 | 18:36
ՀՀ տարածքային կառավարման և ենթակառուցվածքների նախարար Գնել Սանոսյանն այսօր ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստինե Վայգանդի գլխավորած պատվիրակությանը. տեղեկացնում են գերատեսչությունից:
Նախարարը ողջունել է հյուրերին, հաջողություններ է մաղթել տիկին Վայգանդին հայաստանյան առաքելության ընթացքում՝ հայտնում են ՏԿԵ նախարարությունից։
Նախարար Սանոսյանը բարձր է գնահատել ՄԱԿ-ի մանկական հիմնադրամի հետ առկա համագործակցությունը, Հայաստանում հիմնադրամի կատարած աշխատանքն ու ծրագրերը և ընդգծել, որ առկա են բոլոր նախադրյալները լավ համագործակցությունը շարունակելու և ընդլայնելու համար։
Քրիստինե Վայգանդին իր հերթին հույս է հայտնել, որ նախարարության հետ երկարամյա համագործակցությունը շարունակական կլինի և իրենք պատրաստակամ են ընդլայնել համագործակցության ուղղությունները։
Զրուցակիցը կարևորել է ՀՀ կառավարության ջանքերը գյուղական վայրերում նախադպոցական կրթական համակարգ ներդնելու ուղղությամբ։
Տիկին Վայգանդին ընդգծել է, որ ցանկություն կա վեր հանել 44-օրյա պատերազմի հետևանքով սահմանամերձ դարձած համայնքների, այնտեղ ապրող երեխաների կարիքները և անհրաժեշտ աջակցություն տրամադրել։
Հանդիպման ժամանակ քննարկվել են հետագա համագործակցությանը վերաբերող մի շարք հարցեր։
