16.01.2025 | 18:00
Զախարովան՝ ՀՀ տարածքով «միջանցքի», ԱԳ փոխնախարարը՝ վիզաների ազատականացման գործընթացի մասին․ ԼՈՒՐԵՐ
Արցախի նախագահը Կառավարության կառուցվածքում փոփոխություններ կատարելու մասին հրամանագիր է ստորագրել
Քաղաքականություն
09.02.2022 | 17:43
Արցախի Հանրապետության նախագահ Արայիկ Հարությունյանը փետրվարի 9-ին ստորագրել է հրամանագիր՝ հանրապետության նախագահի 2020 թվականի դեկտեմբերի 17-ի «Արցախի Հանրապետության կառավարության կառուցվածքի մասին» հրամանագրում փոփոխություններ և լրացումներ կատարելու մասին:
Ինչպես հայտնում են նախագահի աշխատակազմից, հրամանագրի մեջ նշված է՝
Աշխատանքի, սոցիալական և միգրացիայի հարցերի նախարարությունը վերանվանվել է սոցիալական զարգացման և միգրացիայի նախարարության,
Էկոնոմիկայի և գյուղատնտեսության նախարարությունից առանձնացվել է էկոնոմիկայի մասը և միացվել ֆինանսների նախարարությանը,
պետական կառավարման մարմինների կառուցվածքում ավելացել է պետական վերահսկողական ծառայությունը (ներկայումս գործող Արցախի Հանրապետության նախագահի վերահսկողական ծառայության իրավահաջորդը) և նորաստեղծ նյութական վնասների հարցերի կոմիտեն:
