17.01.2026 | 18:34
Մահացել է դերասանուհի Զառա Արամյանը
Նախարարության բավարարվածության զգացողությունը տեղին չէ. Արսեն Թորոսյանը՝ պատվաստման տեմպերի մասին. ՏԵՍԱՆՅՈՒԹ
09.02.2022 | 16:42
«Առողջապահության նախարարության բավարարվածության զգացողությունը տեղին չէ՝ հաշվի առնելով, որ բնակչության ընդամենը 29-30 տոկոսն է պատվաստվել»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով պատվաստման տեմպերին:
«Կան երկրներ, որտեղ պատվաստումները հասնում են 80-95 տոկոսի, և հայտարարել են, որ համավարակն այլևս իրենց համար մարտահրավեր չէ: Կարծում եմ, որ ո՛չ առողջապահական գերատեսչությունը և ո՛չ էլ մենք՝ բոլորս, նման եզրակացության առիթ դեռ չունենք»,- նշեց Թորոսյանը՝ հավելելով, որ պետք է փրկել կյանքեր՝ մեծ թվով պատվաստումներով , բայց քանի դեռ մահեր են գրանցվում, խնդիրը լուծված չի կարելի համարել:
Թորոսյանի խոսքով՝ կորոնավիրուսի նկատմամբ իմունիտետը ցմահ չէ, և անհարժեշտ է, որ ինչպես գրիպի կամ այլ հիվանդությունների դեպքում են սեզոնային պատվաստումներ կատարվում, այնպես էլ այս դեպքում կատարվեն: «Մեր գիտակցությամբ պետք է հասնենք այն եզրահանգման, որ պետք է ընկնել պատվաստման շրջափուլերի մեջ, ինչն անվտանգ է և արդյունավետ, միայն այդ դեպքում կարող ենք հանգիստ ապրել»,- ասաց պատգամավորը:
Մանրամասները՝ տեսանյութում:
