14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Երևանի առաջարկով է Վիեննայում տեղի ունենալու ՀՀ-ի և Թուրքիայի հատուկ ներկայացուցիչների երկրորդ հանդիպումը․ Չավուշօղլու
Քաղաքականություն
08.02.2022 | 19:36
Թուրքիայի արտաքին գործերի նախարար Մևլութ Չավուշօղլուն հայտարարել է, որ Հայաստանի և Թուրքիայի հատուկ ներկայացուցիչների երկրորդ հանդիպումը Վիեննայում անցկացնելու նախաձեռնությունը եկել է Երևանից։ Այս մասին հայտնում են թուրքական լրատվամիջոցները։
«Նրանք առաջարկեցին հանդիպել կա՛մ Ավստրիայում, կա՛մ Շվեյցարիայում: Քանի որ 2009 թվականին Ժնևում արդեն անհաջող բանակցություններ էին եղել, որոշվեց հանդիպում անցկացնել Վիեննայում»,- ասել է թուրք նախարարը։
Չավուշօղլուն նաև հիշեցրել է, որ հայ պաշտոնյաներին հրավիրել է Անթալիայի դիվանագիտական ֆորումին, սակայն նրա խոսքով՝ հայկական կողմից ֆորումին մասնակցելու հաստատումը դեռ չի ստացվել։
Հիշեցնենք, որ հունվարի 14-ին Մոսկվայում կայացել է Հայաստանի և Թուրքիայի հատուկ ներկայացուցիչներ Ռուբեն Ռուբինյանի եւ Սերդար Քըլիչի առաջին հանդիպումը։ Երկրորդ հանդիպումը նախատեսված է փետրվարի 24-ին Վիեննայում։
Տաթև Ֆռանգյան
