21.04.2026 | 13:05
Արման Ծառուկյանը մտադիր է ինքնաթիռ գնել
Վճռաբեկ դատարանում ստեղծվելու է հակակոռուպցիոն պալատ. Գրիգոր Մինասյանը՝ նոր օրինագծի մասին. ՏԵՍԱՆՅՈՒԹ
Հասարակություն
08.02.2022 | 15:46
Ազգային ժողովում քննարկվում է «ՀՀ դատական օրենսգիրք» սահմանադրական օրենքում փոփոխություններ և լրացում կատարելու մասին», «ՀՀ վարչական դատավարության օրենսգրքում փոփոխություններ կատարելու մասին» և «ՀՀ քաղաքացիական դատավարության օրենսգրքում փոփոխություններ կատարելու մասին» օրենսդրական փաթեթը երկրորդ ընթերցմամբ ընդունելու հարցը:
Արդարադատության նախարարի նորանշանակ տեղակալ Գրիգոր Մինասյանը, ներկայացնելով նախագծերի փաթեթը, տեղեկացրեց, որ նախագիծը լրամշակվել է:
Նրա խոսքով՝ նախատեսվում է Վճռաբեկ դատարանի քաղաքացիական և վարչական պալատի վերացմամբ ստեղծել երկու ինքնուրույն, առանձին մասնագիտացումներ ունեցող քաղաքացիական և վարչական պալատներ: Նախատեսվում է նաև ներդնել դատավորների թեկնածուների և առաջխաղացման ենթակա թեկնածուների ցուցակների համալրման ճկուն մեխանիզմներ:
«Վճռաբեկ դատարանում, ի լրումն քաղաքացիական և վարչական պալատների, ստեղծվելու է նոր՝ հակակոռուպցիոն պալատ՝ կոռուպցիոն հանցագործությունների քննության և հակակոռուպցիոն քաղաքացիական գործերի քննության դատական կազմերով»,- ասաց արդարադատության նախարարի տեղակալը:
Մանրամասները՝ տեսանյութում:
