14.09.2026 | 12:19
Անընդունելի է․ չեմ կարող քանդել տալ տասնամյակների ինքնակամները, բայց ձեր աչքի առաջ նորերը հայտնվեն․ Ավինյան․ ՏԵՍԱՆՅՈՒԹ
Բաքուն ու Անկարան քննարկել են ռազմատեխնիկական համագործակցության ընդլայնման հարցեր
Քաղաքականություն
08.02.2022 | 14:49
Ադրբեջանի պաշտպանության նախարար Զաքիր Հասանովը Բաքվում ընդունել է Թուրքիայի պաշտպանության փոխնախարար Մուհսին Դերեի գլխավորած պատվիրակությանը, հայտնում են տեղական լրատվամիջոցները։
Հանդիպմանը Հասանովը, մասնավորապես, նշել է, որ Ադրբեջանի ու Թուրքիայի միջև ռազմական համագործակցությունը զարգանում է աճող գծով։ Դերեն էլ իր հերթին կարևորել է նման հանդիպումները երկկողմ հարաբերությունների ընդլայնման տեսակետից։
«Հանդիպմանը տեղի է ունեցել մտքերի փոխանակում Ադրբեջանի ռազմաօդային ուժերի միջոցների ու զինծառայողների մասնակցության մասին Բաքվում կայանալիք «Տեխնոֆեստ-2022» փառատոնին»,-ասվում է հայտարարության մեջ։
Հասանովն ու Դերեն քննարկել են երկկողմ ռազմատեխնիկական համագործակցության զարգացման հեռանկարները Ադրբեջանի ու Թուրքիայի միջև, այդ թվում՝ ռազմատեխնիկական ոլորտում համատեղ աշխատանքային խմբերի ստեղծումը։
Հիշեցնենք, որ օրերս Զաքիր Հասանովը պաշտոնական այցով Թուրքիայում էր, որտեղ հանդիպել էր երկրի նախագահ Ռեջեփ Թայիփ Էրդողանին ու ՊՆ ղեկավար Հուլուսի Աքարին։
Էմմա Չոբանյան
