10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Ռոբերտ Քոչարյանի և Արմեն Գևորգյանի գործով դատական նիստը հետաձգվեց. ՏԵՍԱՆՅՈՒԹ
Հասարակություն
08.02.2022 | 13:52
Հայաստանի երկրորդ նախագահ Ռոբերտ Քոչարյանի և «Հայաստան» խմբակցության պատգամավոր, նախկին փոխվարչապետ Արմեն Գևորգյանի գործով դատական նիստն սկսվեց ընդմիջմամբ։
Դատավորը հայտարարեց տեխնիկական ընդմիջում, որպեսզի կապ հաստատվի Լուսինե Սահակյանի հետ՝ պարզելու, թե կհասցնի արդյոք ներկայանալ նիստին։
Նախագահող դատավոր Աննա Դանիբեկյանը հայտնեց, որ ՀՀ նախկին փոխվարչապետ Արմեն Գևորգյանի պաշտպան Լուսինե Սահակյանը տեղեկացրել է դատարանին, որ նախօրեին Կապան քաղաքում մասնակցել է մեկ այլ դատական նիստի, որի աշխատանքները ուշ են վերջացել։ Պաշտպանը չի կարողացել նույն օրը վերադառնալ Երևան, իսկ այսօր վերադառնալիս ծագել են տեխնիկական խնդիրներ:
Նիստը սկսելու պահին դեռևս դատարան չէր հասել նաև ՀՀ երկրորդ նախագահ Ռոբերտ Քոչարյանը։
Պաշտպանական կողմը տեղեկացրեց, որ փաստաբան Լուսինե Սահակյանը չի կարող ներկայանալ նիստին:
Դատական նիստը հետաձգվեց, այն կկայանա փետրվարի 15-ին:
Մանրամասները՝ տեսանյութում:
