06.10.2026 | 19:15
Ալեն Սիմոնյանն ու Ֆրանսիայի դեսպանը քննարկել են Հայաստան-ԵՄ փոխգործակցությունն ու տարածաշրջանային հարցերը
Բալային համակարգից հետո ավելի շատ քաղաքացի է զոհվել․ Մանուկյանն առաջարկում է հանել բալային համակարգը. ՏԵՍԱՆՅՈՒԹ
Քաղաքականություն
08.02.2022 | 12:44
Առաջարկվում է հանել այն դրույթները, որոնց համաձայն՝ ճանապարհային երթևեկության կանոնների այս կամ այն խախտումը կատարած վարորդներին երկակի պատասխանատվության են ենթարկում տուգանային բալերը հանելով՝ հետագայում վարորդական իրավունքից զրկմամբ, և սովորական տուգանքներ կիրառելով։ Այս մասին փետրվարի 8-ին Ազգային ժողովի նիստում Վարչական իրավախախտումների մասին օրենսգրքում փոփոխություններ կատարելու օրինագծի քննարկման ընթացքում ասաց «Հայաստան» խմբակցության պատգամավոր Գեղամ Մանուկյանը։
Պատգամավորիխոսքով՝ ներկա իշխանությունները խոստացել են, որ Հայաստանի քաղաքացիները «տուգանքի մատերիալ» չեն դառնալու, բայց խոստումը չեն պահել:
Պատգամավորի կարծիքով՝ անթույլատրելի է այն մոտեցումը, երբ խախտման դեպքում միաժամանակ կիրառվում է պատժի երկու տեսակ:
Մանուկյանի դիտարկմամբ՝ բալային համակարգի ներդրումով մահացու ելքերով ՃՏՊ-ների թիվը չի նվազել: «2021թ. ՃՏՊ հետևանքով մահացել է 368 քաղաքացի: Բալային համակարգի ներդրման պայմաներում ավելի շատ քաղաքացիներ են զոհվել»,- ընդգծեց Մանուկյանը:
Մանրամասները՝ տեսանյութում:
