17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Էրդողանի՝ COVID-19 ախտորոշման վերաբերյալ մեկնաբանությունների որոշ հեղինակների ձերբակալել են
Քաղաքականություն
07.02.2022 | 17:53
Ստամբուլի ու Անկարայի գլխավոր դատախազությունները հետաքննություն են սկսել Թուրքիայի նախագահ Ռեջեփ Թայիփ Էրդողանի առողջական վիճակի մասին սոցիալական ցանցերում հաղորդագրությունների առնչությամբ, այն բանից հետո երբ շաբաթ օրը Էրդողանը հայտարարեց, որ իր ու կնոջ՝ Էմինե Էրդողանի մոտ կորոնավիրուս է հայտնաբերվել, գրում է Bianet-ը։
Փընար Օ․ անունով մի քաղաքացի է ձերբակալվել Ստամբուլում «սոցիալական ցանցերում հանցագործություն համարվող հաղորդագրություն հրապարակելու» համար։ Դատախազությունը նրա գործը ուղղել է Ստամբուլի 4-րդ քրեական դատարանին՝ նախագահին վիրավորելու համար։ Քանի որ Փընարի մոտ COVID 19-ի թեստի պատասխանը դրական է եղել՝ նրան տնային կալանքի են ենթարկել։
Նշենք, որ թուրքական Cumhuriyet պարբերականն էլ նախօրեն հաղորդել էր, որ 4 մարդ է ձերբակալվել Էրդողանի՝ COVID-19-ի դրական թեստի վերաբերյալ մեկնաբանությունների համար։
Ընդհանուր առմամբ, 8 հոգու նկատմամբ հետաքննություն է իրականացվում, 36 օգտատեր էլ տուգանվել է։
Էմմա Չոբանյան
