10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
«Խնամի-ծանոթ-բարեկամ երևույթը շատ ցավոտ էր նախկինում, և այսօր նման դեպքերը պիտի բացառվեն»․ Գ․ Մինասյան․ ՏԵՍԱՆՅՈՒԹ
Հասարակություն
07.02.2022 | 14:48
Արդարադատության նորանշանակ փոխնախարար Գրիգոր Մինասյանն այսօր խորհրդարանում լրագրողների հետ զրույցում անդրադարձավ դիտարկմանը, որ վարչապետ Նիկոլ Փաշինյանը նախկինում քննադատում էր խնամի-ծանոթ-բարեկամ սկզբունքով պաշտոնների նշանակումները մինչդեռ Մինասյանը, լինելով արդարադատության նախարարի ընկերը, նշանակվել է պաշտոնի։
«Իմ պաշտոնը քաղաքական է։ Օրենքը թույլ է տալիս նշանակում անել այն մարդուն, ով կիսում է քո գաղափարները և ունի փորձ։
Իսկ ձեր ասած խնամի-ծանոթ-բարեկամ երևույթը շատ ցավոտ էր նախկինում։ Այսօր էլ եթե նման դեպքեր կան, պետք է բացառվեն։ Քաղաքացիական պաշտոններում, որոնք մրցութային են, անցկացնում էին ծանոթներին, հայեցողական պաշտոններում այդ խնդիրը չկա»,- նշեց Մինասյանը՝ հավելելով, որ ընդունում է արդարադատության ոլորտի ռազմավարական ուղղությունների վերաբերյալ իշխող քաղաքական թիմի գաղափարները:
Մանրամասները՝ տեսանյութում:
