08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Թուրքիայում հազարավոր մարդիկ փողոց են դուրս եկել էլեկտրաէներգիայի թանկացումների դեմ
Քաղաքականություն
07.02.2022 | 14:26
Թուրքիայում էլեկտրաէներգիայի գների բարձրացման դեմ տարեսկզբից ծավալված բողոքի ակցիաները շարունակվում են։ Երեկ, ըստ թուրքական լրատվամիջոցների, բողոքի երթեր են տեղի ունեցել Ստամբուլում, Իզմիր նահանգում, հարավարևելայն Դիարբեքիրում ու Մարդինում։ Ակցիայի մասնակիցներն, ի նշան բողոքի, էլեկտրաէներգիայի հաշիվներ ու արտարժույթ են այրել։ Ցույցերը երկրում սկսվել էին այն բանից հետո, երբ սպառողների ու գործարարների համար էլեկտրաէներգիայի և բնական գազի սակագինն աճեց 50-100 տոկոսով։
Մարդինում ցուցարարները վանկարկել են՝ « Էրդողա՛ն, հրաժարան տուր»։ Ցուցարարների ու ոստիկանների միջև նաև բախումներ են եղել։ Ոստիկաններն արցունքաբեր գազ են կիրառել, բազմաթիվ ցուցարարներ ձերբակալվել են։
Ստամբուլում ցույցերն առաջնորդել է Թուրքիայի ընդդիմադիր Աշխատավորական կուսակցությունը։
Հավելենք, որ թուրքական լիրան ավելի քան 44 տոկոս արժեզրկվել է,ինչի հետևանքով երկրում տնտեսական ճգնաժամ է, սոցիալական լարվածությունն աճում է։ Վերջին պաշտոնական տվյալներով՝Թուրքիայում տարեկան գնաճը հասել է 48,7 տոկոսի, որը վերջին երկու տասնամյակի առավելագույն ցուցանիշն է։
Էմմա Չոբանյան
