19.04.2026 | 17:41
Կապամոնտաժվի Սյունիքի մարզի Մեղրի քաղաքի ջրի մաքրման կայանը, կկառուցվի նորը
Սա վերածվելու է անհնազանդության ակցիաների, գնալու ենք մինչև վերջ․ ԱՊՊԱ-ի թանկացումից բողոքող քաղաքացի. ՏԵՍԱՆՅՈՒԹ
Հասարակություն
07.02.2022 | 14:05
«Մեր պահանջներին ավելացել է ԱՊՊԱ բյուրոյի պետի հրաժարականը»,- այս մասին, այսօր լրագրողների հետ զրույցում հայտնեցին ԱՊՊԱ-ի վճարների դեմ բողոքի ակցիա իրականացնող վարորդներից մեկը:
«Սակայն մեր հիմնական պահանջը մնում է այս նոր որոշման չեղարկումը, երկրորդը՝ ԱՊՊԱ բյուրոյի պետի հրաժարականը, իսկ երրորդի մասին կխոսենք ավելի ուշ: Մենք գնալու ենք մինչև վերջ, մինչև հասնենք արդյունքի: Մեր ակցիաները դեռևս խաղաղ է, եթե այդ ամենն արդյունք չտվեց, մեր ակցիաները վերածվելու են անհնազանդության ակցիաների», նշեց ակցիայի մասնակիցը:
Վարորդներին վրդովվեցրել է նաև այն, որ ԱՊՊԱ բյուրոյի պետը հարցազրույցում հայտարարել է, թե անկարգ վարորդներն են դուրս եկել ակցիայի:
«Ես երկար տարիների վարորդ եմ, մի հատ վթար չունեմ: Բայց կարող է լինել իրավիճակ, որ մերկասառույցի պատճառով գնամ, խփեմ մի թանկանոց մեքենայի: Իմ ԱՊՊԱ-ն 300 տոկոսով թանկանալու է: Այսինքն՝ մենք միայն այդ 3 հազար դրամ թանկանալու դեմ չենք պայքարում, հետագան էլ ենք հաշվարկում»,- նշեց ակցիայի մեկ այլ մասնակից վարորդ:
Մանրամասները՝ տեսանյութում:
