Արցախի գրավյալ տարածքում վթարվել է թուրքական ընկերության՝ Ահմեդբեյլի-Շուշի-Վարանդա ավտոմայրուղու շինարարներով ավտոբուսը

Արցախի գրավlալ տարածքում Ահմեդբեյլի-Շուշի-Վարանդա ավոտաճանապարհի շինարարներին տեղափոխով ավտոբուսը վթարի է ենթարկվել, հաղորդում են ադրբեջանական լրատվամիջոցները։

Նշվում է, որ թուրքական «KOLIN Insaat, Turizm Sanayi ve Ticaret» ընկերության ավտոբուսի վթարի հետևանքով 21 մարդ է տուժել։ Վթարը տեղի է ունեցել T3 թունելի մուտքի մոտ, որը կառուցվում է Ահմեդբեյլի-Վարանդա-Շուշի մայրուղու վրա։

Թուրքական այս ընկերությունն աշխատում է Ահմեդբեյլի-Շուշի-Վարանդա-ավտոմայրուղու շինարարության վրա։ Ավտոբուսն ընկերության աշխատակիցներին տեղափոխելիս է եղել երեկոյան հերթափոխի։

Ադրբեջանի Առողջապահության նախարարությունը հայտնում է, որ 13 վիրավոր, որից 11-ը Թուրքիայի քաղաքացիներ են, տեղափոխվել են Բաքվի վերականգնողական կենտրոն։ Նրանցից 2-ը գտնվում են վերակենդանացման բաժանմունքում, ևս 9-ի վիճակը գնահատվում է միջին ծանրության։ Նշվում է, որ 5 մարդ էլ Վարանդայի շրջանային հիվանդոցում է։

«Նախնական վարկածով՝ ավտոբուսի վարորդը կորցրել է կառավարումը, ինչն էլ վթարի պատճառ է դարձել»,- ասվում է Ադրբեջանի ավտոճանապարհների պետական գործակալության հայտարարության մեջ։

Նշնենք, որ թուրքական Kolin-ը խոշոր շինարարական ընկերություն է, որը զբաղվում է Արցախի գրավյալ տարածքներում ենթակառուցվածքային նախագծերի իրագործմամբ՝ ճանապարհներ, թունելային կամուրջների կառուցմամբ։

Էմմա Չոբանյան