05.07.2026 | 20:00
Վերջին շրջանում բախվել եմ մեծ ծավալի ատելության խոսքի, տարանջատումն ավելի է խորացել․ արցախցի բլոգեր․ ՏԵՍԱՆՅՈւԹ
Սերժ Սարգսյանը Հայաստանը պետք է տեսնի փշալարից այն կողմ. Նիկոլ Փաշինյան. ՏԵՍԱՆՅՈՒԹ
Քաղաքականություն
17.04.2018 | 20:57
Հանրապետության հրապարակում ԱԺ «Ելք» խմբակցության ղեկավար Նիկոլ Փաշինյանն իր խոսքն ուղղեց ներկա ցուցարարներին և նրանց հիշեցրեց, որ դերասան Արսինե Խանջյանն այսօր բաց նամակ է հղել Սերժ Սարգսյանին, և այդ նամակում մի այսպիսի խոստովանություն կա. «Պարզվում է՝ տարիներ առաջ Սերժ Սարգսյանը Արսինե Խանջյանի հետ զրույցում ասել է՝ հայ ժողովուրդը ոչխարի պես է»,- ասաց պատգամավորը, ապա հայտարարեց. «Սիրելի՛, Արսինե, դա նրանից է, որ Սերժ Սարգսյանն իր կյանքում հիմնականում շփվում է ՀՀԿ խմբակցության պատգամավորների հետ, և, ահա այդ հոտի կողմից Սերժ Սարգսյանը հռչակվել է Հայաստանի վարչապետ»:
Վերջինս նշեց, որ կռահում է, որ այսօր շատերը կասեն, թե ոչինչ չփոխվեց, և Սերժ Սարգսյանը վերստին առաջին դեմքն է, բայց ինքը պատասխանատու կերպով հայտարարում է. «Ամեն ինչ փոխվել է, Սերժ Սարգսյանը չունի իրեն հպատակ ժողովուրդ, և ՀՀ քաղաքացին չունի Սերժ Սարգսյան անունով վարչապետ»,-ասաց Փաշինյանը՝ հայտարարելով, որ Բաղրամյան պողոտայի փշալարարերը պետք է ամրացնեն, որ Սերժ Սարգսյանը Հայաստանը տեսնի այդ փշալարերի հետևից:
