29.07.2026 | 15:10
Խուդաթյանը՝ ռուսական գազն իրանականով փոխարինելու մասին // ՀԷՑ-ը հանրային գերակա շահ կճանաչվի․ ԼՈՒՐԵՐ
Իրանի ԱԳ փոխնախարարը հայտարարել է Պարսից ծոց-Սև ծով միջանցքի շուրջ համաձայնագրի բանակցությունների մասին
Քաղաքականություն
04.02.2022 | 17:43
Իրանի ԱԳ փոխնախարար Մեհդի Սաֆարին լրագրողների հետ զրույցում խոսել է Պարսից ծոց-Սև ծով միջանցքի ստեղծման շուրջ խորհրդակցությունների մասին, գրում է իրանական «Մեհր» գործակալությունը։
Սաֆարին, մասնավորապես, նշել է, որ Պարսից ծոց-Սև ծով միջանցքի շուրջ համաձայնագրի կնքման խորհրդակցությունները շարունակվում են Իրանի, Ադրբեջանի, Հայաստանի, Վրաստանի, Բուլղարիայի և Հունաստանի միջև։
«Բանակցությունների 6-րդ փուլը տեղի է ունենալու Բուլղարիայում՝ Սոֆիայում, ապրիլ-մայիս ամիսներին, և համաձայնագրի տեքստը պատրաստ կլինի ստորագրելու համար։ Թեհրանում ոչ պաշտոնական նախապատրաստական աշխատանքներ են տարվում համաձայնագրի անդամ այլ պետությունների դեսպաններին հետ և համապաստախան այլ մայրաքաղաքներում ևս։ Ուստի, Աստծո կամոք, շուտով ականատես կլինենք տարբեր երթուղիներով կարևոր տրանսպորտային միջանցքի առաջացմանը, որը կհեշտացնի առևտուրը տարածաշրջանի երկրների և արտաքին աշխարհի միջև»,- ասել է Սաֆարին։
Նա նաև նշել է, որ վերջերս Ադրբեջանի և Վրաստանի հետ համատեղ իրականացվել է Իրանից դեպի Սև ծով բեռների տեղափոխման փորձնական ծրագիր։
Էմմա Չոբանյան
