18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Վանեցյանը դատավոր Բախշիյանի աջակիցների թվում է․ ՏԵՍԱՆՅՈւԹ
Հասարակություն
03.02.2022 | 18:53
Առաջին ատյանի դատարանի բակում հավաքվել են մի քանի տասնյակ մարդիկ, որոնք եկել են աջակցելու դատավոր Բորիս Բախշիյանին, որի լիազորությունները դադարեցվել են ԲԴԽ որոշմամբ, իսկ Առաջին ատյանի դատարանն այժմ քննում է նրա խափանման միջոցի հարցը։ «Պատիվ ունեմ» խմբակցության ղեկավար Արթուր Վանեցյանը միացել է դատավորի աջակիցներին:
«Գործող իշխանությունները բռնաբարում են արդարադատությունը և իրավական դաշտը։ Հայաստանը հստակ քայլերով դառնում է բռնապետություն, երկրում կան բազմաթիվ խնդիրներ, բայց իշխանությունները բացառապես քայլեր են ձեռնարկում միայն իրենց իշխանությունն ամրապնդելու ուղղությամբ»,- լրագրոների հետ զրույցում նշեցՎանեցյանը։
Նրա խոսքով՝ «Պատիվ ունեմ» դաշինքի անդամները, որոնք գտնվում են դատարանի բակում, չեն եկել պաշտպանելու կոնկրետ դատավոր Բախշիյանին, նրանք եկել են պաշտպանելու արդարադատությունը։
Հիշեցնենք, որ ԲԴԽ-ն բավարարել էր Սյունիքի մարզի ընդհանուր իրավասության դատարանի դատավոր Բորիս Բախշիյանի նկատմամբ քրեական հետապնդում իրականացնելու և նրան ազատությունից զրկելու թույլտվություն ստանալու վերաբերյալ ՀՀ գլխավոր դատախազի միջնորդությունները։
Նշենք, որ Բորիս Բախշիյանը «Սիսական» ջոկատի հրամանատար Աշոտ Մինասյանի (Աշոտ Երկաթ) գործը քննող դատավորն էր։ Նրա որոշմամբ Մինասյանը կալանքից ազատվեց հունվարի 26-ին։
Մանրամասները՝ տեսանյութում:
