12.09.2026 | 16:00
Ֆրանսիան փորձում է հասնել Ալիշեր Ուսմանովի նկատմամբ ԵՄ պատժամիջոցների վերացմանը
Թուրքիայում տարեկան գնաճը հասել է վերջին 20 տարվա ընթացքում ամենաբարձր ցուցանիշին՝ կազմելով մոտ 49%
Քաղաքականություն
03.02.2022 | 19:21
Թուրքիայում տարեկան գնաճը, ըստ այսօր հրապարակված տվյալների, հասել է վերջին 20 տարվա ընթացքում ամենաբարձր ցուցանիշին՝ հունվարին կազմելով 48,69%։ Այս մասին գրում է Duvar-ը։
Թուրքիայի Վիճակագրական ծառայությունը հայտնում է, որ ամսական կտրվածքով գներն աճել են 11,1 տոկոսով։
2020 թվականին ստեղծված անկախ ENAG Inflation Research Group-ի ոչ պաշտոնական տվյալների համաձայն՝ երկրում հունվարին գնաճը կազմել է 114,87%, ինչը պաշտոնական տվյալներից շատ ավելի բարձր է։ ENAG-ը հայտնել է, որ հունվարին Թուրքիայում գներն աճել են ամսական 15,52 տոկոսով։
Հիշեցնենք, որ թուրքական լիրան նախորդ տարի 44 տոկոսով արժեզրկվել է՝ երկրում հանգեցնելով սոցիալական լարվածության ու ճգնաժամի․ երկրում սպառողական ապրանքների աննախադեպ գնաճ է։
Էմմա Չոբանյան
