Փաշինյանի խոսքից պարզ է՝ Վահագն Խաչատուրյանը կլինի ՔՊ թիմի որոշումներ դակողը․ թեկնածուն էլ է դա ասում․ Լևոն Զուրաբյան․ ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Factor TV-ի զրուցակիցը Հայ ազգային կոնգրեսի փոխնախագահ Լևոն Զուրաբյանի հետ   

-Պարո՛ն Զուրաբյան, Հանրապետության նախագահի պաշտոնում «Քաղաքացիական պայմանագիրն» առաջադրելու է Ձեր նախկին կուսակից Վահագն Խաչատրյանի թեկնածությունը։ Նա ՀԱԿ-ի վարչության անդամ էր մինչև 2017 թվականը։ Ըստ Ձեզ՝ Հայաստանը կշահի՞ Վահագն Խաչատրյանի նախագահության շրջանում՝ նկատի առնելով նրա թե՛ մարդկային, թե՛ մասնագիտական որակները։ 

-Շատ լավ հարց եք տալիս, որովհետև, ցավոք, այս հարցի շուրջ տրվող գնահատականները հիմնականում կենտրոնացել են շատ սխալ կետի վրա, այսինքն՝ անձնավորության որակների, բարոյական կամ անբարոյական պահվածքի, մասնագիտական կարողությունների և այլնի վրա։ Ամենակարևոր խնդիրը սա է՝ արդյո՞ք բխում է ՀՀ-ի շահից սա․ չի քննարկվում այդ հարցը։ Եվ չի քննարկվում դրա քաղաքական գնահատականը։ Մի ճշտում մտցնեմ Վահագն Խաչատրյանի՝ ՀԱԿ-ի կապվածության հետ․ տարածվում է այդ կարծիքը, որ մեզ հետ կապ ունի։ Ես կարող եմ ասել, որ 2017 թվականի ընտրություններից հետո Վահագն Խաչատրյանը ՀԱԿ ոտք չի դրել։ Որևէ կոնտակտ չի ունեցել, և անգամ մեր փորձերին՝ կապվելու նրա հետ, չի պատասխանել։ Ինքը հենց ընտրություններից անմիջապես հետո խզել է կապերը։ Նա մեր քաղաքական թիմի անդամ չէ, և ինքն էլ է ասում, որ Նիկոլ Փաշինյանի քաղաքական թիմի անդամ է։

-Այսինքն՝ ՀԱԿ-ը և Վահագն Խաչատրյանը կոնֆլիկտո՞վ չեն բաժանվել։

-Բացարձակապես։ Ես ասում եմ՝ ընտրությունների արդյունքներից հետո նա ՀԱԿ էլ ոտք չի դրել։ Նույնիսկ չգիտեմ՝ դուրս է եկել կուսակցությունից, թե՝ ոչ։ Դա մեզ մոտ սովորաբար դիմումով է լինում։ Տեղյակ չեմ՝ ինքն արե՞լ է այդ քայլը, թե՞ չէ։ Անցնենք քաղաքական գնահատականին և Ձեր բուն հարցին․ ցավոք, ՀՀ-ն այսօր խորհրդարանական հանրապետություն է։ Կիսանախագահականը միակ մոդելն է, որ ընդունվել է կոնսենսուսով և համապատասխանել է ՀՀ շահերին։ Կարևոր է հասկանալ՝ խորհրդարանական համակարգում ո՞րն է նախագահի դերը։ Մեծ տարբերություն կա ՀՀ-ի և Իտալիայի միջև․ չնայած Իտալիայում նա վերկուսակցական անձ է, բայց ունի շատ կարևոր ֆունկցիա՝ խորհրդարանի ցրումը, հանձնարարելը, թե ով կարող է կազմավորել կառավարություն, բանակցությունները նա է վարում, Զինված ուժերի գլխավոր հրամանատարն է։ Մեզ մոտ Սերժ Սարգսյանի ձեռքով նախագահը համարյա զրոյական դեր ունի, շատ արարողակարգային է։ Բայց և՛ ՀՀ-ում, և՛ Իտալիայում այդ մոդելը ենթադրում է կարևոր մի բան՝ նախագահը որևէ կուսակցության թիմի անդամ չէ, նրա դերն արբիտրաժն է, հետևում է օրենքների սահմանադրականությանը։

-Նիկոլ Փաշինյանը բացատրեց իր սկզբունքն այս հարցում՝ ասելով՝ նախագահը պետք է ներդաշնակության մեջ լինի գործադիրի, խորհրդարանական մեծամասնության հետ։ 

-Ի՞նչ է ասում Նիկոլ Փաշինյանը․ և՛ կոպիտ սխալ են անում, և՛ չեն կարողանում թաքցնել անգամ։ Ամենամեծ աբսուրդը դա է, որ նախագահը ներդաշնակության մեջ պետք է լինի ԱԺ մեծամասնության հետ։ Նախագահը ոչ թե ԱԺ մեծամասնության, այլ սահմանադրական սկզբունքների հետ պետք է ներդաշնակության մեջ լինի։ Նա չի կարող լինել ինչ-որ մի քաղաքական ուժի կցորդը։ Նախագահը խորհրդարանական համակարգում դիստանցիայի վրա է գտնվում իշխող կուսակցությունից և երաշխավորում է բոլորի իրավունքները և սահմանադրական իրավունքները։ Նիկոլն ասում է՝ նա պետք է մեծամասնության հետ ներդաշնակության մեջ լինի, և Վահնգն Խաչատրյանն է ասում անմիջապես, որ ինքը Նիկոլ Փաշինյանի քաղաքական թիմի անդամ է։ Սա նշանակում է՝ կատարվողը ոչ մի լավ բան ՀՀ-ին չի կարող բերել, որովհետև արդեն պարզ է, որ կոնկրետ այս թեկնածուն, բնականաբար, նախագահ կընտրվի, բայց դրանից հետո ուղղակի կլինի Նիկոլ Փաշինյանի քաղաքական թիմի նախաձեռնությունների և որոշումների դակիչը։

Հարցազրույցն ամբողջությամբ՝ տեսանյութում։

Ռոբերտ Անանյան