21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Բաքուն արձագանքել է Արարատ Միրզոյանի հայտարարություններին
Քաղաքականություն
02.02.2022 | 17:33
Ադրբեջանի ԱԳՆ մամուլի ծառայության ղեկավար Լեյլա Աբդուլաևան անդրադարձել է ՀՀ արտաքին գործերի նախարար Արարատ Միրզոյանի հայտարարությանը, որ պաշտոնական Բաքուն խոչընդոտում է Արցախ միջազգային կազմակերպությունների, այդ թվում՝ Կարմիր խաչի մուտքին։ Սովորության համաձայն՝ Աբդուլաևան աչքի է ընկել ցինիկ մեկնաբանությամբ։
Ադրբեջանական լրատվամիջոցների փոխանցմամբ՝ նա նշել է, որ «Ադրբեջանի տարածքում ցանկացած միջազգային կազմակերպության գործունեություն համապատասխան կազմակերպության և Բաքվի երկկողմ խնդիրն է»։
«Ցանկացած միջազգային կազմակերպության գործունեություն Ադրբեջանի «սուվերեն տարածքում» երկկողմ հարց է համապատասխան միջազգային կազմակերպության և մեր երկրի միջև։ Երրորդ երկրի ներկայացուցչի մեկնաբանությունը տվյալ հարցի շուրջ տեղին չէ։ Լավ կլիներ, որ Հայաստանի ԱԳ նախարարը մեկնաբաներ իր երկրի ստանձնած պարտավորությունների կատարումը և տարածաշրջանում խաղաղության հաստատումը»,- ասել է Ադրբեջանի ԱԳՆ մամուլի ծառայության ղեկավարը։
Էմմա Չոբանյան
