08.09.2026 | 21:05
Բաքվի դատարանը ադրբեջանցի հայտնի իրավապաշտպանին դատապարտել է 13 տարվա ազատազրկման
Մարդիկ դա չեն մոռացել․ Մանե Թանդիլյանը Սերժ Սարգսյանին հիշեցրեց 3-րդ ժամկետով չառաջադրվելու խոստումը․ ՏԵՍԱՆՅՈՒԹ
Քաղաքականություն
17.04.2018 | 15:30
Ազգային ժողովի «Ելք» խմբակցության պատգամավոր Մանե Թանդիլյանը Սերժ Սարգսյանի պաշտոնավարման տասը տարիները որակեց կորսված տասնամյակ՝ հիշեցնելով Սերժ Սարգսյանի նախընտրական խոստումները, որոնք այդպես էլ իրականություն չեն դարձել: «Մեր երկրի հարկային և մաքսային համակարգը պետք է լինի մրցունակ, իսկ Հայաստանի հարկային համակարգը հազիվ է համարվում մրցունակ։ Հայաստանում իրական աղքատության ցուցանիշը շատ ավելին է և գործազրկության մակարդակն իրականում շատ ավելին է»,- ասաց Թանդիլյանը։
Պատգամավորն անդրադարձավ նաև Հյուսիս-հարավ ավտոճանապարհի անավատ շինարարությանը, արտահանման չիրականացված ծավալներին: «Ցանկը կարելի է շարունակել։ Փաստացի, 5-ամյա պլանի ՀՀԿ-ի անփոխարինելի թեկնածու Սերժ Սարգսյանի՝ այսինքն՝ Ձեր առաջնորդությամբ նույնիսկ տասը տարվա ընթացքում չեք կարողացել հասնել այդ ցուցանիշներին, և անթիվ-անհամար չկատարված խոստումների շարքը դեռ կարելի է շարունակել»,-ասաց պատգամավորը։
«Պարո՛ն Սարգսյան, Ձեր հեղինակությունը դա չի փրկի, սա Ձեր խոստումն է, և մարդիկ դա չեն մոռացել»,-ասաց Թանդիլայնը՝ վարչապետի թեկնածուին հիշեցնելով երրորդ ժամկետով չառաջադրվելու խոստումը։
Ամբողջությամբ՝ տեսանյութում
