20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Թուրքիայի ռազմաօդային ուժերն Իրաքում և Սիրիայում քրդերի դեմ գործողություն են իրականացրել
Քաղաքականություն
02.02.2022 | 15:30
Թուրքիայի ռազմաօդային ուժերը Սիրիայում և Իրաքի հյուսիսում քուրդ զինյալների դեմ օդային գործողություն են իրականացրել։ Այս մասին հյատնել է Թուրքիայի Պաշտպանության նախարարությունը, փոխանցում է ՌԻԱ Նովոստին։
Իրաքի Նեյնավա նահանգի Մախմուր քաղաքի հրթիռակոծության հետևանքով զոհվել է 8 մարդ, վիրավորվել՝ 17-ը, հայտնում է քրդական RUDAW գործակալությունը՝ հղում անելով առողջապահության ոլորտի պաշտոնյաներին։
«Թուրքիայի ՌՕՈՒ-ն «Ձմեռային արծիվ» օդային գործողությունն է իրականացրել PKK/KCK/YPG-ի «ահաբեկիչների», քրդական զինված «Ժողովրդական ինքնապաշտպանության ջոկատների» դեմ Դերիքի, Սինջարի ու Քարաջաքի շրջաններում, որոնք որպես բազա են օգտագործվում Իրաքի և Սիրիայի հյուսիսում»,- ասվում է ՊՆ հաղորդագրության մեջ։
Նշվում է, որ հարվածներ են հասցվել ապաստարաններին, թունելներին, զինամթերքի պահեստներին։
Ըստ Թուրքիայի ՊՆ-ի՝ «Ձմեռային արծիվ» գործողությունը, իբր, իրականացվում է միջազգային իրավունքի նորմերին, ՄԱԿ-ի կանոնադրության 51-րդ հոդվածին համապատասխան։ Հաղորդվում է, որ գործողության ժամանակ հայրենական արտադրության զինամթերք է օգտագործվել։
Հավելենք, որ համացանցում խաղաղ բնակավայրերի ռմբակոծության հետևանքները պատկերող տարբեր տեսանյութեր են հրապարակվում։
Էմմա Չոբանյան
