24.03.2026 | 22:02
Բեռլինում 90-ամյա թոշակառուն շահել է 1,5 միլիոն եվրո
Նիկոլ Փաշինյանի ինքնամեկուսացման ժամկետը լրացե՞լ է․ վարչապետը դեռ աշխատանքի չի ներկայանում․ ՏԵՍԱՆՅՈՒԹ
02.02.2022 | 14:26
ՀՀ վարչապետ Նիկոլ Փաշինյանը շարունակում է մնալ ինքնամեկուսացման մեջ: Այս մասին Factor.am-ին փոխանցեցին կառավարության աշխատակազմի հասարակայնության հետ կապերի և լրատվության վարչությունից:
Նիկոլ Փաշինյանի՝ կորոնավիրուսով վարակված լինելու մասին պաշտոնապես հայտարարվեց հունվարի 26-ին: Ըստ այդմ՝ փետրվարի 1-ին լրացավ Փաշինյանի ինքնամեկուսացման 7-րդ օրը:
Հիշեցնենք՝ փետրվարի 1-ից ուժի մեջ մտած նոր որոշման համաձայն՝ սահմանված դեղաչափերով ամբողջական պատվաստված անձինք, նախկին 14 օրվա փոխարեն, ինքնամեկուսացվում են ՊՇՌ հետազոտության նմուշառման օրվանից հաշված 7 օրացուցային օրով: Չպատվաստված անձինք ինքնամեկուսացվում են ՊՇՌ հետազոտության նմուշառման օրվանից հաշված 10 օրացուցային օրով: Որոշման գործողությունը տարածվում է նաև ուժի մեջ մտնելու օրվա դրությամբ ինքնամեկուսացման մեջ գտնվող անձանց վրա։
Հաշվի առնելով այն հանգամանքը, որ Փաշինյանը պատվաստման ամբողջական դեղաչափ ստացել է, ըստ ամենայնի, նրա համար ինքնամեկուսացման ժամկետը կարող է ավարտված համարվել։
Մանրամասները՝ տեսանյութում։
Ռոզա Վարդանյան
