29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Էրդողանն ընդունել է Ադրբեջանի պաշտպանության նախարարին
Քաղաքականություն
01.02.2022 | 18:17
Թուրքիայի նախագահ Ռեջեփ Թայիփ Էրդողանն այսօր ընդունել է Ադրբեջանի պաշտպանության նախարար Զաքիր Հասանովին։ Այս մասին տեղեկանում ենք Թուրքիայի նախագահականի թվիթերյան գրառումից։
Էրդողանը պաշտոնական այցով Թուրքիայում գտնվող Հասանովին ընդունել է նախագահական համալիրում։ Հրապարակված լուսանկարից երևում է, որ հանդիպմանը մասնակցել է նաև Թուրքիայի պաշտպանության նախարար Հուլուսի Աքարը։
Այսօր ավելի վաղ Հասանովը հանդիպել էր Թուրքիայի ՊՆ ղեկավարին։ Ըստ ադրբեջանական լրատվամիջոցների՝ նախարարները նախ դեմ առ դեմ հանդիպում են ունեցել, ապա կայացել է պատվիրակությունների հանդիպումը։ Նշվում է, որ քննարկվել են երկկողմ, տարածաշրջանային պաշտպանության ու անվտանգության հարցեր, մտքեր են փոխանակվել պաշտպանական արդյունաբերության ոլորտում համագործակցության շուրջ։
Հավելենք, որ մինչ այս էլ Ադրբեջանի ՊՆ ղեկավարը պաշտոնական այցով Իրանում էր։
Էմմա Չոբանյան
