29.07.2026 | 16:30
Շաբաթների ընթացքում ՀԷՑ-ը կառավարության կողմից հանրային գերակա շահ կճանաչվի. Ռոմանոս Պետրոսյան․ ՏԵՍԱՆՅՈՒԹ
Վրաստանում ածխահանքում պայթյուն է տեղի ունեցել․ զոհ և վիրավորներ կան
Քաղաքականություն
31.01.2022 | 13:08
Վրաստանում պայթյուն է տեղի ունեցել Տկիբուլի քաղաքի ածխահանքում։ Մեկ մարդ մահացել է, ևս ութը՝ վիրավորվել, հայտնել է Ռուսթավի-2 հեռուստաալիքը։
«Տեղեկություն ստացանք, որ տեղի է ունեցել դժբախտ պատահար, ինչի հետևանքով ինը մարդ վիրավորվել է, մեկ հոգու վնասվածքները շատ ծանր են եղել, ինչի հետևանքով նա մահացել է։ Հանքափորները տուժել են պայթյունի ալիքից»,- ասել է Տկիբուլիի քաղաքապետ Դավիթ Չերքեզիշվիլին։
Տուժածներին տեղափոխել են Թբիլիսի։ Նրանք ունեն տարբեր աստիճանի այրվածքներ: Ողբերգության պատճառները կպարզի հետաքննությունը։
Փաստի առթիվ հարուցվել է քրեական գործ՝ հանքարդյունաբերության, շինարարական կամ այլ աշխատանքներ կատարելու ընթացքում անվտանգության կանոնները խախտելու հոդվածով, որն առաջացրել է մարդու մահ կամ այլ ծանր հետևանքներ (Վրաստանի Քրեական օրենսգրքի 240-րդ հոդվածի 2-րդ մասով):
Նովոստի Գրուզիայի հաղորդմամբ՝ Վրաստանի ՆԳՆ-ն հետաքննություն է սկսել Տկիբուլիի հանքում տեղի ունեցած պայթյունի փաստով։
Տաթև Ֆռանգյան
