15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Իրանի և Ադրբեջանի ԱԳ նախարարները քննարկել են տարածաշրջանային զարգացումները
Քաղաքականություն
28.01.2022 | 20:45
Իրանի ԱԳ նախարար Հոսեյն Ամիր Աբդոլահիանը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ, գրում է «Մեհր» գործակալությունը։
Նրանք քննարկել են երկկողմ համագործակցության ու տարածաշրջանային զարգացումները։ Աբդոլլահիանն ադրբեջանցի գործընկերոջը հայտնել է, որ Իրանի նախագահ Էբրահիմ Ռաիսին Ադրբեջանի նախագահին հրավիրել է այցելել Թեհրան։
Նա նաև անդրադարձել է Իրանի խորհրդարանական բարեկամության խմբի՝ Բաքու կատարելիք այցին՝ հույս հայտնելով, որ երկու երկրների խորհրդարանների միջև համագործակցությունը կզարգանա և կընդլայնվի բոլոր ոլորտներում։
Իրանցի պաշտոնյան նաև կոչ է արել դյուրացնել երկու երկրների միջև վիզաների տրամադրումը, հատկապես՝ իրանցի ուսանողների և գործարարների համար։
Ադրբեջանի ԱԳ նախարարն իր հերթին գոհունակություն է հայտնել վերջին ամիսներին երկու երկրների համագործակցության զարգացումից։ Նա նաև ասել է, որ երկու երկրների համատեղ տնտեսական հանձնաժողովի նիստն է անցկացվելու։ Բայրամովը Ադրբեջանի և Իրանի նախագահների հանդիպումը պատմական է որակել։
Էմմա Չոբանյան
