09.06.2026 | 00:17
Մարկո Ռուբիոն շնորհավորել է Փաշինյանին
Թուրքիայի ԱԽ նիստում քննարկվել է Հայաստանի հետ հարաբերությունների կարգավորման հարցը
Քաղաքականություն
28.01.2022 | 13:07
Թուրքիայի Ազգային անվտանգության խորհրդի նիստում նախօրեին քննարկվել է նաև Հայաստանի հետ հարաբերությունների կարգավորման հարցը։ Նիստը տեղի է ունեցել երկրի նախագահ Ռեջեփ Թայիփ Էրդողանի ղեկավարությամբ։
Մասնավորապես, «Անադոլու» գործակալության փոխանցմամբ, Անվտանգության խորհուրդը կարևորել է Հարավային Կովկասում համագործակցության մեխանիզմների կատարելագործումը՝ կողմերի, առաջին հերթին՝ Թուրքիայի և Հայաստանի կառուցողական ու անկեղծ ջանքերով։
Բացի այդ, Թուրքիան Ուկրաինայի և Ռուսաստանի միջև ապաէսկալացիայի կոչ է արել։ Անվտանգության խորհրդի անդամները նաև քննադատել են «Հունաստանի գործողությունները Արևելյան Միջերկրականում և Էգեյան ծովում»։
Նիստի արդյունքներով հրապարակված փաստաթղթի համաձայն՝ խորհուրդը նաև տեղեկացվել է Թուրքիայի անվտանգության ուժերի կողմից երկրի ազգային անվտանգությանը սպառնացող բոլոր տեսակի սպառնալիքների, մասնավորապես, PKK/KCK-PYD/YPG կազմակերպությունների դեմ, իբր, վճռական և հաջող գործողությունների մասին՝ ինչպես երկրի տարածքում, այնպես էլ նրա տարածքից դուրս։
Էմմա Չոբանյան
