15.11.2024 | 20:30
Փաշինյանը Պապիկյանին կազատի՞ զբաղեցրած պաշտոնից, եթե նա այլ հայտարարություն անի․ ԵզրաԿԱՑՈՒԹՅՈՒՆ
«Հավանաբար նռնակները պայթել են ոստիկանների ձեռքի մեջ»․ Երվանդ Վարոսյան
Հասարակություն
16.04.2018 | 21:45
«Ընդդիմությունը կարողանում է լիովին խաղաղ անհնազանդության տարրեր ունեցող գործողություններ անել, որոնք, բնականաբար, պիտի անհանգստություն պատճառեն մյուս քաղաքացիներին, ինչպես նաև՝ պետությանը»,- Factor.am-ի հետ զրույցում ասաց փաստաբան Երվանդ Վարոսյանը։
Ինչ վերաբերվում է ոստիկանության գործողություններին, հաշվի առնելով, որ հավաքները կրում են խաղաղ բնույթ, ըստ փաստաբանի, մինչև այսօր ոստիկանության գործողություններն ադեկվատ էին։
«Երբ հավաքի մասնակիցները մյուս քաղաքացիների տեղաշարժման համար խոչընդոտ են ստեղծում, ոստիկանության պարտականությունների մեջ է մտնում այլ ուղիներով քաղաքացիների ազատ տեղաշարժման ուղիներ ապահովելը։ Բայց դա մինչև էսօրվա միջադեպը։ Ինչ վերաբերվում է միջադեպին, հավաքի մասնակիցների հանդեպ կիրառվեց անհամաչափ ուժ, կադրերում տեսանելի է, որ ուժի կիրառման կարիք չկար»,-ասում է փաստաբանը։
Նա ենթադրում է, որ ոստիկանությունը ցուցարարների վրա նետել է ռուսական «Զարյա» մակնիշի լուսաձայնային նռնակներ։ «Դրանք, ցավոք, անխուսափելիորեն հանգեցնելու էին վնասվածքների։ Ոստիկանությունն ուժ պիտի կիրառի այնպես, որ ոչ ոստիկանների, ոչ էլ քաղաքացիների կյանքին ու առողջությանը վտանգ չսպառնա։ Ցավոք, սա դառը հիշողություններ արթնացրեց կապված 2008-ի մարտի 1-ի հետ կապված։ Ինձ զարմացրեց, թե ոնց ոստիկանները վնասվեցին։ Քանի որ նռնակները ռուսական արտադրության են, կամ ոստիկանները նետել չգիտեն, կամ նռնակներն են անորակ և պայթել են նրանց ձեռքի մեջ»,- ենթադրում է փաստաբանը։
