03.03.2026 | 16:36
Զելենսկին օգնություն է առաջարկել իրանական ԱԹՍ-ների դեմ պայքարում՝ ՌԴ-ի հետ մեկամսյա հրադադարի դիմաց. Bloomberg
Արցախից տեղահանված բնակիչները նամակ փոխանցեցին ԱԳ նախարարին. ՏԵՍԱՆՅՈՒԹ
27.01.2022 | 13:15
Արցախի օկուպացրած տարածքներից տեղահանված բնակիչներն այսօր՝ հունվարի 27-ին, բողոքի ակցիա էին կազմակերպել Կառվարության շենքի դիմաց՝ ներկայացնելու խնդիրներն ու պահանջները։
Այնուհետև ակցիան շարունակվեց ՄԱԿ-ի հայաստանյան գրասենյակի շենքի դիմաց, նամակ հանձնելուց հետո ակցիայի մասնակիցները տեղափոխվեցին Հայաստանի ԱԳ նախարարության շենքի դիմաց՝ նամակ փոխանցեցին նաև ԱԳ նախարար Արարատ Միրզոյանին:
«Մենք հայտնվել ենք անելանելի իրավիճակում։ Փաստացի փախստականի կարգավիճակով գտնվելով Ացախի և Հայաստանի տարբեր բնակավայրերում՝ սակայն առանց կարգավիճակի ու ապագայի տեսլականի։ Եվ այպես մեկ տարի ու երեք ամիս։ Հայաստանի ու Արցախի կողմից տրված չնչին նպաստները չեն բավարարում նույնիսկ ֆիզիկական գոյության համար, այնինչ մենք ՝ որպես մարդ ունենք ապրելու իրավունք, որը որոշ ուժեր փորձում են մեզանից օտարել»,- նշված էր նամակում:
Արցախից տեղահանված բնակիչներն ակնկալում են հանդիպում Արարատ Միրզոյանի հետ՝ քննարկելու իրենց կարգավիճակի հարցը:
«Մեզ հետաքրքրում է Արցախի Հանրապետության քաղաքական ու սոցիալական կարգավիճակը, քանի որ մեզ՝ Հայաստանում վերաբնակվողներիս առաջարկում են վերադառնալ Արցախ։ Մենք ուզում ենք քննարկել մեր՝ փախստականի փաստացի կարգավիճակի իրավական հարցերը։ Այս հարցերի քննարկումից ու լուծումից է կախված մեր բնակության հարցերը։ Նման իրավիճակում վերադառնալ Արցախ ոչ միայն անհնար է, այլև հղի է նոր ցեղասպան գործողություններով։ Ուստի այդ տարբերակը մեզ համար իսպառ բացառվում է, իսկ նման որոշում ընդունողները ոճրագործներ են»,- ասված է «Հանուն Հադրութի» և «Շուշիից բռնի տեղահանվածների» ՀԿ-ների համատեղ հայտարարության մեջ։
Մանրամասները՝ տեսանյութում:
