04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
Չինաստանը նավթի և գազի խոշոր պաշարներ է հայտնաբերել
Քաղաքականություն
26.01.2022 | 20:42
Չինաստանի խոշորագույն նավթավերամշակող Sinopec ընկերությունը Չինաստանի հյուսիսարևմտյան Սինցզյան-Ույգուր ինքնավար շրջանի Թարիմ ավազանում հայտնաբերել է նավթի և գազի նոր տարածք՝ մոտավորապես 100 միլիոն տոննա պաշարներով, գրում է Xinhua-ն:
Sinopec-ի Շունբեի նավթագազային հանքավայրի այս վերջին պաշարները գնահատվում են 88 միլիոն տոննա կոնդենսատային նավթ և 290 միլիարդ խորանարդ մետր բնական գազ, հայտնել է ընկերությունը:
Վերլուծաբանները նշում են, որ հայտնագործությունն է՛լ ավելի կբարելավի Չինաստանի էներգամատակարարումը և կօգնի երաշխավորել ազգային էներգետիկ անվտանգությունը:
Թարիմը Չինաստանի խոշոր նավթային ավազանն է, բայց նաև ամենադժվարներից մեկը ուսումնասիրության համար՝ իր ցամաքային կոշտ միջավայրի և ստորգետնյա բարդ պայմանների պատճառով: Այստեղ նավթի և գազի պաշարները թաղված են միջինում ավելի քան 7300 մետր խորության վրա:
Տաթև Ֆռանգյան
