02.05.2024 | 17:28
Ապրիլի 12-ին տեղի ունեցած վթարի հետևանքով տուժած 20 զինծառայողներից 8-ն ավարտել են բուժումը և դուրս գրվել հոսպիտալից․ ՊՆ
Իրանի և Ադրբեջանի ՊՆ ղեկավարները հանդիպել են Թեհրանում
Քաղաքականություն
26.01.2022 | 15:55
Երկրօրյա պաշտոնական այցով Թեհրանում գտնվող Ադրբեջանի պաշտպանության նախարար Զաքիր Հասանովը հանդիպել է Իրանի պաշտպանության նախարար, բրիգադային գեներալ Մոհամմադ Ռեզա Աշտիանիին, գրում է IRNA գործակալությունը։
Նշվում է, որ հանդիպման ժամանակ կողմերը քննարկել են երկկողմ և տարածաշրջանային հարցեր։
Աշտիանին ընդգծել է պաշտպանության և անվտանգության ոլորտներում հարաբերությունների ամրապնդման կարևորությունը՝ նշելով, որ Իրանի և Ադրբեջանի միջև պատմական ու մշակութային ընդհանրությունների շնորհիվ երկու հարևանները պետք է զարգացնեն համակողմանի հարաբերությունները: Նա հավելել է, որ իրենց աշխարհագրական դիրքի շնորհիվ Իրանն ու Ադրբեջանը համագործակցությունը խթանելու լայն հնարավորություններ ունեն։
Ըստ իրանական կողմի հաղորդագրության՝ Զաքիր Հասանովն էլ իր հերթին երախտագիտություն է հայտնել Իրանի Գերագույն հոգևոր առաջնորդին ու Իրանի կառավարությանը՝ Ադրբեջանի տարածքային ամբողջականությանն աջակցության համար։
Նշենք, որ Զաքիր Հասանովը Թեհրան այցի շրջանակում հանդիպել էր նաև Իրանի ԶՈՒ Գլխավոր շտաբի պետ Մոհամադ Հոսեյն Բաղերիի հետ։
Էմմա Չոբանյան
