29.06.2026 | 12:45
ԲՀԿ-ի համար պետք է կիրառելի լիներ ոչ թե 4 տոկոսի շեմը, այլ 8 կամ 10 տոկոսի շեմը. Սուրեն Գրիգորյան․ ՏԵՍԱՆՅՈՒԹ
Մեծ Բրիտանիայի ԱԳՆ-ն հայտնել է ՌԴ-ի դեմ պատժամիջոցները խստացնելու օրինագծի մասին
26.01.2022 | 15:42
Մեծ Բրիտանիայի կառավարությունը պատրաստվում է նոր օրինագիծ ներկայացնել՝ հակառուսական պատժամիջոցները խստացնելու նպատակով։ Այս մասին Sky News-ի եթերում հայտարարել է Մեծ Բրիտանիայի ԱԳՆ ղեկավար Լիզ Թրասը, գրում է ՏԱՍՍ-ը։
«Մենք կառաջարկենք նոր օրինագիծ՝ մեր պատժամիջոցների ռեժիմը խստացնելու համար, որ կարողանանք կենտրոնանալ Ռուսաստանում ավելի շատ թվով ընկերությունների ու ֆիզիկական անձանց վրա։ Մենք այն կներկայացնենք առաջիկա օրերի ընթացքում»,- ասել է բրիտանացի պաշտոնյան։
Հարցին՝ արդյո՞ք Լոնդոնը դիտարկում է ՌԴ նախագահ Վլադիմիր Պուտինի դեմ սահմանափակող միջոցների կիրառման հարցը՝ Ուկրաինայում իրավիճակի էսկալացիայի դեպքում, Թրասն ասել է․ «Մենք ոչինչ չենք բացառում»։
Հավելենք, որ նախօրեին մամուլում տեղեկություններ տարածվեցին, որ ԱՄՆ-ը նոր պատժամիջոցներ է առաջարկում Ռուսաստանի դեմ՝ Ուկրաինայում իրավիճակի սրման դեպքում։ Նոր պատժամիջոցները վերաբերելու են հումքի և զենքի արտահանման սահմանափակումներին, դիվանագիտական շփումերի կրճատմանը։
Էմմա Չոբանյան
