09.06.2026 | 00:17
Մարկո Ռուբիոն շնորհավորել է Փաշինյանին
Բաքվում Ֆրանսիայի դեսպանը հայտարարել է, որ խաղաղությունը տարածաշրջանում երբեք այնքան մոտ չի եղել, որքան հիմա
Քաղաքականություն
26.01.2022 | 13:26
Տարածաշրջանում խաղաղությունը երբեք այնքան մոտ չի եղել, որքան հիմա։ Ադրբեջանական լրատվամիջոցների հաղորդմամբ՝ այս մասին հայտարարել է Ադրբեջանում Ֆրանսիայի դեսպան Զաքարի Գրոսը։
«Ֆրանսիացիներն ու գերմանացիները պատերազմել են երկար տարիներ։ Վերջին 150 տարում այդ երկրների միջև երեք պատերազմ է եղել, երկու կողմից միլիոնավոր մարդիկ են զոհվել։ Երկու երկրներում էլ թերթերն ու ամսագրերը քարոզչություն էին իրականացնում՝ հակառակ կողմին ներկայացնելով որպես թշնամի։ Քարոզչությունն իրականացվում էր նաև մեր դպրոցներում։ Բայց այսօր այդ երկու երկրները բարեկամներ են, հպարտանում իրենց պատմությամբ ու մշակույթով։ Մենք խորը կապ ենք պահպանում սահմանամերձ շրջաններում և, ամենակարևորը, մենք միասին ստեղծել ենք Եվրոպական միությունը։ Կարծում եմ՝ այդ փորձը հետաքրքիր կլինի նաև Հարավային Կովկասի համար»,- ասել է Ֆրանսիայի դեսպանը։
Նա մաղթել է խաղաղություն հաստատել Հայաստանի և Ադրբեջանի միջև։
«Ճիշտ է, խաղաղությունը դեռ հաստատված չէ վերջնական, դա դժվար ճանապարհ է՝ թակարդներով լի, սակայն երբեք խաղաղությունը տարածաշրջանում այնքան մոտ չի եղել, որքան հիմա»,- ասել է Զաքարի Գրոսը։
Էմմա Չոբանյան
