Հասարակություն
26.01.2022 | 11:23ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողովի նիստում Հեռուստատեսության և ռադիոյի հանձնաժողովի անդամի՝ ընդդիմության կողմից առաջադրված թեկնածու Ռուբիկ Հակոբյանի ընտրության հարցի քննարկման ժամանակ իրավիճակը լարվեց, հնչեցին վիրավորանքներ:
«Պետության համար ռումբեր են բոլոր նրանք, ովքեր քաղաքականության հետ որևէ կապ չունեն, և կարողանում են խցկվել ԱԺ՝ որպես կնոջ օժիտ»,- նշեց Ռուբիկ Հակոբյանը:
Նիստը նախագահող Սիսակ Գաբրիելյանն ընդհատեց ելույթը՝ ասելով. «Ձեր տարիքը հարգելով եմ ասում, չեմ ուզում այստեղ այլ բան ծավալվի: Նիստի բնականոն գործունեությունն ապահովելու համար ձեր ելույթն ավարտվում է»:
Սիսակ Գաբրիելյանը ցանկացած քվեարկության դնել Ռուբիկ Հակոբյանի թեկնածությունը:
Ռուբիկ Հակոբյանն էլ արձագանքեց. «Սպասիր, ես հանում եմ իմ թեկնածությունը, ինձ հետ այդ տոնով մի խոսիր, ձե՛նդ կտրիր»:
«Կարո՞ղ է հիմա մի հատ էլ ջուր շփեք»,-ասաց ՔՊ-ական կին պատգակավորներից մեկը, ինչին Ռ. Հակոբյանն արձագանքեց. «Այո՛, և կշփեմ: Ձենդ կտրիր, վեր ընկիր տեղդ: Էս կանոնակարգը նաև ես եմ գրել, գիտեմ՝ ինչ է պահանջվում: Իրավունք չունեք ընդհատել ինձ… Իմ կյանքը նպատակը ձեր նման անտակտ խուլիգաններին դաստիարակելն է, եթե դաստիարակվեք»:
Սիսակ Գաբրիելյանը պատասխանեց. «Քո ծնողն է անտակտ խուլիգանը, որ քեզ էդքան տարի մեծացրել ա, ու էդքան բան չի սովորեցրել»:
Իրավիճակը լարվեց, Սիսակ Գաբրեիլայնը մոտեցավ Ռուբիկ Հակոբյանին: Հնչեցին վիրավորանքներ:
Նիստն ընդհատվեց:
Մանրամասները՝ տեսանյութում:
