16.07.2026 | 22:33
Երևանի պարեկները գիշերային ծառայության ժամանակ թմրանյութ պահելու և օգտագործելու դեպքեր են բացահայտել
«Հավաքի մասնակիցներին բերման ենթարկելը կլինի ապօրինի»․ փաստաբան Կարեն Մեջլումյան
Հասարակություն
16.04.2018 | 16:58
Փաստաբան Կարեն Մեժլումյանը Բաղրամյան պողոտայում հավաքվածներին բերման ենթարկելու օրինական հիմքեր այս պահին չի տեսնում։
«Սահմանադրության 44 հոդվածով երաշխավորված է հավաքների ազատությունը և այն կարող է սահմանափակվել օրենքով։ Հավաքների ազատության 5-րդ հոդվածով հավաքները կարող են դադարեցվել, երբ հանցագործության կանխումը, հանրության առողջությունն ու բարոյականությունը և այլ գործոններ գերակայում են հավաքների ազատությանը։ Էս դեպքում ո՞րն է գերակայում»,- հարցնում է փաստաբանը։
Փաստաբանը նկատում է, որ հավաքի մասնակիցների գործողություններում հանցագործություն չկա, հանրության առողջությունն ու բարոյականությունն էլ վտանգված չէ, նույնիսկ տեղաշարժման իրավունքի սահմանափակումը չի գերակայում հավաքի ազատությանը։ Հետևաբար հավաքի մասնակիցներին բերման ենթարկելը կլինի ապօրինի»,- նկատում է փաստաբան Կարեն Մեջլումյանը։
Մհեր Արշակյան
