13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքիան մտադիր է Վանն ու Կարսը հայերի համար տուրիստական կենտրոնի վերածել․ ՀՀ տարբեր քաղաքներ թռիչքներ են նախատեսվում
Քաղաքականություն
25.01.2022 | 13:51
Թուրքիայի նախագահականում արտաքին քաղաքական հարցերի շուրջ խորհրդակցության ժամանակ քննարկվել են Հայաստանի, Իսրայելի, Լիբիայի, Եգիպտոսի և Պարսից ծոցի երկրների հետ հարաբերությունների հարցերը։ Այս մասին գրում է թուրքական Hurriyet-ը։
Նշվում է, որ ԱՄՆ-ի և ԵՄ-ի հետ հարաբերություններն առաջնահերթությունների ցանկում չեն եղել։
Հայաստանի հետ հարաբերությունների մասով նշվում է, որ որպես առաջին քայլ՝ որոշվել է Հայաստանի հետ փոխադարձ ավիաթռիչքներ իրականացնել, ընդ որում՝ ոչ միայն Երևան։
«Կարսի ու Վանի շուրջ աշխատանքների կատարումից հետո, օրակարգում կլինի Հայաստանի այլ քաղաքներ թռիչքների իրականացման հարցը։ Մասնավորապես, հնչել են մեկնաբանություններ, որ Վանը կարող է հայերի համար վերածվել զբոսաշրջային կենտրոնի։ Միաժամանակ, նախատեսվում է վերականգնել մի շարք պատմական հուշարձաններ, ինչպիսիք են Կարսի մոտ գտնվող կամուրջն ու շենքը, որոնց հայերը մեծ նշանակություն են տալիս։ Հայկական սփյուռքի ճնշումը նվազեցնելու համար կընդլայնվեն առևտրային հարաբերությունները»,- ասվում է հրապարակման մեջ։
Հավելենք, որ հայ-թուրքական հարաբերությունների կարգավորման գործընթացի շրջանակում երկու երկրների հատուկ ներկայացուցիչների առաջին հանդիպումը տեղի է ունեցել հունվարի 14-ին Մոսկվայում։
Էմմա Չոբանյան
