08.06.2026 | 17:10
«Բոլորին դեմ եմ»-ը ընտրությունների արդյունքները արդար և թափանցիկ չի համարում
Իրանցի նախարարն Ադրբեջան այցի շրջանակում լինելու է Արցախի գրավյալ տարածքներում
Քաղաքականություն
24.01.2022 | 13:31
Իրանի ճանապարհների և քաղաքաշինության նախարար Ռուստամ Ղասեմիի գլխավորած պատվիրակությունն այսօր այցով մեկնել է Ադրբեջան։ Տեղական լրատվամիջոցների հաղորդմամբ՝ այս մասին թվիթերյան գրառմամբ տեղեկացրել է Իրանում Ադրբեջանի դեսպան Ալի Ալիզադեն։
Դիվանագետը նշել է, որ իրանական պատվիրակությունն այցելելու է նաև Արցախի գրավյալ տարածքներ։ Այլ մանրամասներ հայտնի չեն։
Հավելենք, որ նախօրեին Բաքվում Իրանը դեսպանը հայտնել էր նախարարի այցի մասին։ Դեսպան Սեիդ Աբբաս Մուսավին նշել էր, որ այցի ընթացքում կողմերը քննարկելու են էներգետիկային, արդյունաբերությանը, տարանցմանն ու գյուղատնտեսությանն առնչվող նախագծերի հարցեր։ Իրանցի նախարարը հանդիպելու է նաև Ադրբեջանի պաշտոնատար անձանց հետ։
Էմմա Չոբանյան
