29.06.2026 | 09:39
Այրված մեքենայում հայտնաբերվել է երեք քաղաքացու դի․ ՃՏՊ Սուրենավանի մոտակայքում
Հանրային գործիչները, հատկապես կանայք, թիրախավորվում են․ պատգամավորը դիմեց ՄԻՊ թեկնածուին․ ՏԵՍԱՆՅՈՒԹ
Հասարակություն
24.01.2022 | 13:02
Մենք պետք է հասնենք նրան, որ մարդը իրեն պաշտպանված զգա Հայաստանում: Ազգային ժողովում ՄԻՊ-ի ընտրության հարցի քննարկման ժամանակ հայտարարեց «Պատիվ ունեմ» խմբակցության պատգամավոր Թագուհի Թովմասյանը:
Նա տեղեկացրեց, որ երեկ է վերադարձել Գեղարքունիքի մարզի` առաջնագծում տեղակայված բնակավայրերից և նշեց, որ մարդիկ ունեն կենսական իրավունքների պաշտպանության խնդիր:
«Մարդիկ ունեն ապրելու, կյանքի իրավունքի խնդիր, մարդիկ ունեն իրենց ունեցվածքը պահելու խնդիր, որովհետև թշնամին Կութ համայնքում 80 գլխից ավելի անասուն հափշտակել է ու չեն կարողանում պաշտպանել իրենց իրավունքները Հայաստանում, չեմ խոսում, որ մինչ օրս փոխհատուցում չի տրվել», – հայտարարեց պատգամավորը:
Նա նշեց, թե թշնամին շարունակում է մարդկանց կյանքի իրավունքի սպառնալիքներ կիրառել. ընդդիմադիր պատգամավորին ահազանգել են` շատ հաճախ ազդեցիկ լույսերով գիշերվա ժամերին թիրախավորվում են քաղաքացինեի տները` զուտ հոգեբանական ճնշում գործադրելու համար:
«Քաղաքացին միայնակ է մնացել սահմանամերձ բնակավայրում, իսկ քաղաքացին պետք է զգա, որ, երբ ԱԺ-ում խոսում են մարդու իրավունքների պաշտպանությունից, ինքը պաշտպանված է: Այստեղ անընդհատ խոսել, որ ամեն ինչ արվում է կամ ամեն ինչ շատ լավ է, եկեք իրականության աչքերին նայենք ուղիղ` ամեն ինչ այդքան լավ չէ, որովհետև մենք Հայաստանի առաջնագծում արժանապատիվ կյանքի խնդիր ունենք», – ընդգծեց ընդդիմադիր պատգամավորը:
Պատգամավորի խոսքով՝ սահմանամերձ բնակավայրերում նաև կապի խափանում է արձանագրվել. հատուկ տեխնիկա է տեղադրված ու խլացուցիչներով անջատվում է հեռախոսակապը, ինտերնետը. սա խնդիր է, որին պետք է հրատապ ուշադրություն դարձվի:
Թագուհի Թովմասյանը հայտարարեց նաև, որ դիալեզով հիվանդները, չունենալով տրանսպորտի միջոցներ, ստիպված են լինում անձնական միջոցներով հասնել հնարավոր մոտակա բնակավայր` Մարտունի ու հոգալ առողջության իրավունքը:
Պատգամավորն ընդգծեց, որ հանրային գործիչները, հատկապես կանայք, թիրախավորվում են, և դիմելով ՄԻՊ-ին՝ կարևորեց ատելության մթնոլորտի դեմն առնելու և հասարակության առողջացման համար գործիքակազմերի կիրառումը:
Պատգամավորն անդրադարձավ նաև լրատվամիջոցների նկատմամբ վերաբերմունքին. «Լրագրողի իշխանությունը խնդիրներ է ստեղծում լրագրողների համար կամ լրագրողի իշխանությունը թիրախավորում է լրագրողներին»:
Մանրամասները՝ տեսանյութում:
