17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Շենբախը բացատրություն կտա Ղրիմի մասին խոսքերի համար. Գերմանիայի ՊՆ
Քաղաքականություն
22.01.2022 | 20:10
Գերմանիայի ռազմածովային ուժերի ղեկավար, փոխծովակալ Կայ-Ահիմ Շենբախը պետք է բացատրություններ ներկայացնի պաշտպանության նախարարությունում իր այն հայտարարությունների մասին, որ Ուկրաինան երբեք չի վերադարձնի Ղրիմը։ Այս մասին գրում է Bild-ը։
ԳԴՀ ՊՆ-ում հայտարարել են, որ Շենբախի հայտարարությունները ոչ մի կերպ չեն համապատասխանում Դաշնային պաշտպանության նախարարության դիրքորոշմանը։
Նշվում է, որ Շենբախը ստիպված կլինի հաշվետու լինել Գերմանիայի զինված ուժերի գլխավոր տեսուչ Էբերհարդ Ցորնին:
Ավելի վաղ Կայ-Ահիմ Շենբախը հայտարարել էր, որ Ուկրաինային չի հաջողվի վերադարձնել Ղրիմը։
Ուկրաինայի ԱԳՆ-ը պահանջել է Գերմանիայի կառավարությունից հրապարակայնորեն հերքել Ղրիմի մասին երկրի ռազմածովային ուժերի հրամանատար Կայ-Ահիմ Շենբախի հայտարարությունները: Այս մասին հունվարի 22-ին հայտնել է ուկրաինական գերատեսչության մամուլի քարտուղար Օլեգ Նիկոլենկոն։
