08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ցուցարարները հասան Վերնիսաժ․ արգելափակված է Խանջյան-Վարդանանց հատվածը. ՏԵՍԱՆՅՈՒԹ
Քաղաքականություն
16.04.2018 | 11:42
«Նույնիսկ եթե ոստիկանները մեզ խփեն, մենք չենք պատասխանելու, մենք շարունակելու ենք մեր բաց ձեռքերի պայքարը։ Ամեն ինչ պետք է արվի բարձր մակարդակով, և որևէ քաղաքացի չպիտի տուժի դրանից։ Եթե որևէ մեկը բռնություն գործադրի, ուրեմն նա մեր շարժման մասնակից չէ, մեր կողմնակիցները պետք է անմիջապես նրան չեզոքացնեն»,- ասաց Խանջյան-Վարդանանց հատվածը փակած ցուցարարներին առաջնորդող Նիկոլ Փաշինյանը՝ պատասխանելով լրագրողների հարցերին։
Անդրադառնալով Աժ նիստի հետաձգման հնարավորությանը՝ Նիկոլ Փաշինյանն ասաց, որ եթե նման բան տեղի ունենա, ապա դա որևէ կերպ չի ազդի իրենց պլանի վրա և ծրագրված գործողություններն իրենք կշարունակեն։
Հավելենք, որ Factor.am-ի տեղեկություններով՝ վարչապետի քվեարկության ԱԺ նիստը արտագնա չի լինի, այն կանցկացվի խորհրդարանի շենքում։ Համենայն դեպս, այս պահի դրությամբ մեր իրազեկ աղբյուրները նշում են, որ որոշումն այդպիսին է։
Այս պահին ցուցարարները շարունակում են իրենց երթը Խանջյան փողոցով՝ դեպի Ռոսիա կինոթատրոնի խաչմերուկ։
