20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Դավիթաշենում ապրող թուրքը պետք է վախենա ինձնից. Բաբկեն Թունյան. ՏԵՍԱՆՅՈՒԹ
20.01.2022 | 15:40
«Մենք 30 տարի Թուրքիայի հետ առևտուր ենք արել: Եթե հասարակությունը մտավախություններ ունի և չի ցանկանում, որ թուրքական ապրանքները հայկական ապրանքների շուկան գրավեն, ապա պետք է հակաքայլ անի՝ բոյկոտի և թուրքական ապրանք չպետք է գնի»,- այս մասին լրագրողների հետ ճեպազրույցում նշեց «Քաղաքացիական պայմանագիր» խմբակցության պատգամավոր Բաբկեն Թունյանը՝ անդրադառնալով ապաշրջափակման, սահմանների բացման հետ կապված մտահոգությունների վերաբերյալ դիտարկումներին:
«Մաքսային քաղաքականության հարցում մենք անկախ չենք, ԵԱՏՄ անդամ ենք, չենք կարող ինքնուրույն մաքսատուրքեր կիրառել կամ քվոտաներ սահմանել և պաշտպանել մեր ներքին շուկան, պետք է ոչ թե դրսից եկող տնտեսվարողների մուտքը փակել, այլ տեղական արտադրողների համար ավելի նպաստավոր պայմաններ ստեղծել: Եվ դա արվում է՝ գոյություն ունեն տարբեր ծրագրեր, լիզինգի տոկոսն է սուբսիդավորվում, ՓՄՁ-ներին արտոնյալ վարկեր են տրամադրվում, ցուցահանդեսների կազմակերպմանն աջակցություն է տրամադրվում:
Երբ որ թուրքական կապիտալը գոնե քիթը ցույց կտա ՀՀ սահմաների մոտ, այդ ժամանակ կմտածենք, թե եղած միջոցառումներին ինչ ավելացնենք»,- նշեց Թունյանը՝ հավելելով՝ սատանան այդքան սարսափելի չէ, որքան թվում է:
«Դուք թուրքից վախենո՞ւմ եք: Եթե հանկարծ հայտնաբերեք, որ ձեր միջավայրում, որտեղ դուք ապրում եք, օրինակ՝ Դավիթաշենում մի քանիսը տները վաճառել են թուրքին, ինչ կանեք»,-այս հարցին ի պատասխան Թունյանը նշեց. «Ավելի ճիշտ կլինի այդ հարցը թուրքին տաք, թե ինչպես է ստացվել, որ Հայաստանում է ապրում ու չի վախենում»:
Հարցին՝ Ձեզնից թուրքը պիտի վախենա՞, Թունյանը պատասխանեց. «Այո՛, Դավիթաշենում ապրող թուրքը ինձնից պետք է վախենա: Ես ինչո՞ւ պետք է իրենից վախենամ»:
Մանրամասները՝ տեսանյութում:
