19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Չավուշօղլուն հայտարարել է, որ Հայաստանի հարցում նպատակը հարաբերությունների ամբողջական կարգավորումն է
Քաղաքականություն
20.01.2022 | 14:12
Թուրքիայի ԱԳ նախարար Մևլութ Չավուշօղլուն Մալազիայի ԱԳ նախարարի հետ մամուլի ասուլիսում անդրադարձել է նաև հայ-թուրքական հարաբերություններին, հաղորդում են թուրքական լրատվամիջոցները։
Հայաստանի հետ հարաբերությունների կարգավորման ջանքերի մասին խոսելիս Չավուշօղլուն ասել է, որ երկու երկրների հատուկ ներկայացուցիչները Մոսկվայում կայացած առաջին հանդիպմանը որոշել են երկխոսության նպատակներն ու սպասումները։
«Հայաստանի հարցում մեր նպատակը հարաբերությունների ամբողջական կարգավարումն է։ Մենք այդ մասին հայտարարել ենք։ Հայաստանը գոհ է մեր դիրքորոշումից։ Քննարկվելու են քայլերը, որոնք կարող են հետևել ավիահաղորդակցության մեկնարկին ու հատուկ ներկայացուցիչների նշանակմանը։ Դրա շուրջ աշխատելու են հատուկ ներկայացուցիչները, քննարկելու են վստահություն մթնոլորտի ամրապնդման քայլերը»,- ասել է Չավուշօղլուն։
Անդրադառնալով նրան, որ Թուրքիան իր քայլերը կատարում է Ադրբեջանի հետ խորհրդակցելով՝ Չավուշօղլուն նշել է, որ ձգտում են Հարավային Կովկասում կայունության ու խաղաղության հաստատման։
«Բացի այդ, երկաթուղային ու ավտոմոբիլային ծրագրերը, այդ թվում՝ Զանգեզուրի ծրագրի իրականացումն է կապելու երկրներին, ինչը մեծ ներդրում կունենա տնտեսական զարգացման գործում։ Որպես Թուրքիա՝ մենք աջակցություն կցուցաբերենք այդ նախագծերին»,- ասել է Չավուշօղլուն։
Էմմա Չոբանյան
