23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Մոտենում է քովիդի համավարակի հերթական ալիքը․ Փաշինյան. ՏԵՍԱՆՅՈՒԹ
20.01.2022 | 12:26
Մոտենում է քովիդի համավարակի հերթական ալիքը. երեկվա համեմատ կորոնավիրուսի դեպքերի թիվը գրեթե կրկնապատկվել է: Այս մասին Կառավարության նիստի ընթացքում ասաց ՀՀ վարչապետ Նիկոլ Փաշինյանը:
«Սա նշանակում է, որ «Օմիկրոն» շտամը, որը հայտնի է իր տարածելիության մեծ արագությամբ, արդեն կամաց-կամաց մտնում է գործողության մեջ: Հետևաբար պետք է կրկին վերադառնանք կորոնավիրուսի հետ կապված տագնապային վիճակի»,- ասաց Փաշինյանը:
Վարչապետն անդրադառնալով քննադատություններին, որոնք վերաբերում են կորոնավիրուսով պայմանավորված սահմանափակումներին, նշեց, որ դրանք որևէ հիմք չունեն:
«Աշխարհում առաջիններից ենք, որ հրաժարվել ենք լոքդաունի քաղաքականությունից: Այս դահլիճում ահավոր ծանր քննարկումներ ենք ունեցել այդ թեմայով: Մեր քաղաքականությունն ուղղված է նրան, որ ստիպված չլինենք վերադառնալ լոքդաունների, որ բիզնեսները նորից 1 ամսով փակվեն ու այլևս վերականգնվելու հույս չունենան: Սահմանափակումները, որ մտել են ուժի մեջ, մեր տեսչական մարմիններն ամենայն խստությամբ պետք է հետևեն դրանց իրականացմանը: Խոսքը հանրային սննդի և ժամանցի վայրերում միայն պատվաստված կամ բացասական թեստ ունեցող քաղաքացիների մուտքի թույլտվության մասին է: Պատասխանատուն տնտեսվարողն է: Սա արվում է հենց տնտեսվարողների շահերից»,- նշեց նա:
