17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Այդ հրթիռները պիտանելիության խնդիր չեն ունեցել. Դավիթ Գալստյանի պաշտպան. ՏԵՍԱՆՅՈՒԹ
Հասարակություն
19.01.2022 | 15:35
Այսօր տեղի է ունենալու առաջին դատական նիստը հայտնի անորակ հրթիռների գործով, որով անցնում են ՀՀ պաշտպանության նախկին նախարար Դավիթ Տոնոյանն ու գործարար Դավիթ Գալստյանը։ Գործի նախաքննությունն ավարտվել է, մեղադրական եզրակացությունն ուղարկվել է դատարան։ Այս մասին այսօր մինչ նիստը լրագրողների հետ ճեպազրույցում հայտարարեց Դավիթ Գալստյանի՝ «Պատրոն Դավոյի» փաստաբաններից Արամ Հարությունյանը՝ նշելով, որ ամենայն հավանականությամբ կքննարկվի խափանման միջոցի հիմնավոր լինելու կամ չլինելու հարցը և ընդգծեց՝ բոլոր ամբաստանյալները ներկա են լինելու դատական նիստին։
Հարցին՝ ինչու՞ է մերժվել փաստաբան Հարությունյանի ուղարկված ԱԱԾ միջնորդությունը, որպեսզի անպիտան հրթիռները փորձարկվե՞ն, փաստաբանն ասաց՝ մերժման պատճառները չգիտեն։
«Մի բանում վստահ ենք՝ այս գործի անկյունաքարային հարցը՝ որակը պետք է պարզվեր սահմանված կարգով նշանակված մասնագետների փորձաքննության արդյունքում, ինչը չի կատարվել։ Դատական գործի նախաքննության փուլում, ավարտին բազմաթիվ փաստեր կան, որոնք ուղղակիորեն վկայում են այն մասին, որ այդ հրթիռները, պիտանելիության հետ կապված, երբեք որևէ խնդիր չեն ունեցել»,- ասաց փաստաբան Հարությունյանը։
Մանրամասները՝ տեսանյութում:
